影片
更多
2023-10-30
71 瀏覽
「度」位於繁忙嘅銅鑼灣鬧市中心，當顧客踏進餐廳時，會立即被一股悠閒及藝術氣息包圍。以墨綠色系為主調，樓底極高，牆壁兩旁掛著本地畫家嘅畫作🖼️加上輕音樂🎹令人感到舒適寬敞。今次到訪有幸見到店主本人，佢熱情又friendly ，仲同我講解「度」呢個店名背後嘅意思。名字有象徵著店主對於夢想嘅追求同不斷挑戰嘅精神💖喺餐廳入面，可以品嚐到來自不同咖啡產區嘅精選咖啡豆🫘每一杯咖啡☕️都經過精心沖泡，味道豐富醇厚。享受一杯咖啡嘅同時，都可以感受著正能量嘅滋養。店主特別介紹一杯Off Menu嘅🌸春入花梢🌸（$88)咖啡俾我試吓☕️ - 無論名字一或係賣相都充滿詩意。咖啡師將本地白酒、浸透鮮玫瑰花嘅高梁酒及洪都拉斯咖啡豆精心調配，經過不斷研究，嘗試過三、四十次才展現嘅成果。玫瑰嘅香氣帶出淡淡嘅佳釀，順滑口感同時平衡咖啡味道，一試難忘！🍊Jade Ocean Soda （$58) - 「黃色 + 藍色 = ？」一杯有趣又適合小朋友嘅飲品🍹 新鮮橙汁混入藍色糖漿，再加上梳打水，飲品隨著攪拌漸變色，視覺效果豐富，飲落透心涼。🥑Avocado Scallops Linguine ($148) - 牛油果creamy
今次到訪有幸見到店主本人，佢熱情又friendly ，仲同我講解「度」呢個店名背後嘅意思。名字有象徵著店主對於夢想嘅追求同不斷挑戰嘅精神💖
喺餐廳入面，可以品嚐到來自不同咖啡產區嘅精選咖啡豆🫘每一杯咖啡☕️都經過精心沖泡，味道豐富醇厚。享受一杯咖啡嘅同時，都可以感受著正能量嘅滋養。
店主特別介紹一杯Off Menu嘅🌸春入花梢🌸（$88)咖啡俾我試吓☕️ - 無論名字一或係賣相都充滿詩意。咖啡師將本地白酒、浸透鮮玫瑰花嘅高梁酒及洪都拉斯咖啡豆精心調配，經過不斷研究，嘗試過三、四十次才展現嘅成果。玫瑰嘅香氣帶出淡淡嘅佳釀，順滑口感同時平衡咖啡味道，一試難忘！
🍊Jade Ocean Soda （$58) - 「黃色 + 藍色 = ？」一杯有趣又適合小朋友嘅飲品🍹 新鮮橙汁混入藍色糖漿，再加上梳打水，飲品隨著攪拌漸變色，視覺效果豐富，飲落透心涼。
🥑Avocado Scallops Linguine ($148) - 牛油果creamy 幼滑，帶子新鮮彈牙，細膩風味美妙地融合，清新唔會過膩，滋味十足。
🌿Pesto Penne with Mushrooms（$108）- 羅勒、蒜蓉、芝士同松子嘅組合營造出芳香嘅青醬💚 Penne烹調得恰到好處，青醬包覆喺每顆意粉上。唔同種類嘅蘑菇為呢道菜增添豐富嘅層次。
🤎Homemade Tiramisu ($68) - Mascarpone Cheese質地柔滑細膩，Baileys替甜品注入濃郁嘅咖啡香氣，甜味適中，碟上灑有脆脆片，口感提升不少。每一口都帶嚟甜蜜體驗。
除咗咖啡同美食之外，「度」亦與來自各地嘅藝術家們合作，為佢哋提供一個平台去展示佢哋嘅作品並與觀眾互動。無論係繪畫展覽抑或係音樂表演，顧客都能夠一邊品嚐美食，一邊欣賞藝術創作。
餐廳亦與本地慈善機構有著緊密嘅聯繫。最近餐廳與「康姨餅房」合作，共同推出曲奇餅嘅寄賣計劃。「康姨餅房」由一群專業餅師同殘疾人士組成團隊運營，購買美味嘅曲奇🍪不僅能品嚐美食，仲可以支持殘疾人士嘅職業培訓及就業機會，具有極大嘅意義。
餐廳融合唔同領域嘅元素，跨越「角度」，成為一間獨樹一格而且又充滿「態度」、「溫度」嘅餐廳。
Jade Ocean Soda
4 瀏覽
0 讚好
0 留言
春入花梢
2 瀏覽
0 讚好
0 留言
牛油果帶子意粉
1 瀏覽
0 讚好
0 留言
Pesto Penne with Mushrooms
2 瀏覽
0 讚好
0 留言
Homemade Tiramisu
2 瀏覽
0 讚好
0 留言
張貼
