YA! YA! YA! BURGER & BAR (已結業)

樓上Cafe就食得多，但係可以包場食串燒、 飲酒嘅地方真係好少！但係我同朋友今日係晏晝上嚟，都可以當佢係一個酒吧，飲酒傾吓計！見到佢所有時間都有包場嘅服務，而且成個環境都幾好，服務都唔差！仲要包啤酒、包食物！個人覺得個價錢都幾平，尤其係啲串燒！而佢午餐份量好大，質素都幾好。因為朋友想食得清淡啲，所以就嗌咗呢一個龍蝦湯海鮮手打烏冬。佢嘅扇貝、海蝦同埋青口都好大隻，食落去都好新鮮！個烏冬都好彈牙！而佢呢一個邪惡芝士安格斯牛肉漢堡配薯角，個人覺得質素幾高，佢啲牛食落去唔會係好乾嗰種，啲芝士都係溶溶地個種，蕃茄、生菜都好新鮮。