影片
更多
2017-01-26
768 瀏覽
上個月公司爆數，又撞正聖誕節，公司就叫我搵個地方可以包到場成班同事聚下， 當係慰勞下各位同事。因為要夾埋夜間既同事收十點半，所以都幾難搵餐廳，有兩三間聽到十點半開始已經話唔接，其他幾間就直程無回覆，唯獨係呢間願意花時間傾，比完個預算佢都盡可能滿足到我既要求，前前後後都聯絡左好幾次，先係傾menu、傾run down、傾decoration等，比到我一個感覺係好想我黎試下。當晚有部分同事十點半就到左，我係第一批到，等埋其他同事收工過埋黎成十一點先開始食。一開始有位韓國仔幫我地鋪巾，起菜前安排左個cocktail表演，每人一杯。前菜有餐廳極力推介既煎西瓜、鵝肝沙律同白松露醬帶子刺身。呢三款前菜既賣相都okay，最鐘意係帶子刺身，好好味，肉質好滑有少少似入口即溶既感覺。煎西瓜第一次食，煎到外皮有點焦，感覺唔太似食緊西瓜，一時苦苦地一時甜甜地。餐湯係野菌湯，味道都okay，好重菌味好多菇肉。主菜分別有牛、羊、魚同蝦，魚既擺設比較吸引，用左紅莓汁做底，撈埋魚肉一齊食味道比想像中okay，酸酸地反而帶出左條魚既鮮味，想法創新。另一款主菜隻蝦既賣相就比比較簡單，味道方面都okay，夠香口咬落都幾彈牙
當晚有部分同事十點半就到左，我係第一批到，等埋其他同事收工過埋黎成十一點先開始食。一開始有位韓國仔幫我地鋪巾，起菜前安排左個cocktail表演，每人一杯。
前菜有餐廳極力推介既煎西瓜、鵝肝沙律同白松露醬帶子刺身。呢三款前菜既賣相都okay，最鐘意係帶子刺身，好好味，肉質好滑有少少似入口即溶既感覺。煎西瓜第一次食，煎到外皮有點焦，感覺唔太似食緊西瓜，一時苦苦地一時甜甜地。餐湯係野菌湯，味道都okay，好重菌味好多菇肉。主菜分別有牛、羊、魚同蝦，魚既擺設比較吸引，用左紅莓汁做底，撈埋魚肉一齊食味道比想像中okay，酸酸地反而帶出左條魚既鮮味，想法創新。另一款主菜隻蝦既賣相就比比較簡單，味道方面都okay，夠香口咬落都幾彈牙。
其實最令我滿意係呢到既add-on services，會幫你安排埋邀請卡、佈置、表演還節、叫的士等等，就好似一個event planner咁幫我搞掂灑，下次包場一定會再黎！
張貼
