One More Hotpot 來一鍋 (已結業)

今晚到來一鍋打邊爐。個名幾特別。環境又光猛。乾淨。原來有唔同價錢選擇，仲有宵夜餐添。分別在於湯底同有無海鮮主食而唔同價錢。其實啲藥膳湯底好吸引我。可惜朋友無興趣。都係投奔海鮮嘅懷抱。揀左花膠螺頭雞湯。好足料。睇個湯嘅顏色就知啦！飲飲下湯。海鮮拼盤就上黎啦。跟住仲有大大件響玲。脆魚皮。豚肉片。響玲同脆魚皮吸收左好味湯底。必食呀。海鮮拼盤入面。第一時間揀大大隻帶子。啖啖肉又鮮甜。成個海鮮拼盤都好新鮮。勁想添食！另外仲有手工制嘅配料。三款水餃同丸都有水準。其實食到依度都飽得七七八八。每人都有一份嘅海鮮豚肉同手工配料嘅主菜好夠份量。仲有多款汽水。啤酒。紅白酒任飲。任飲任食係勁爽嘅。不過個肚呢。就又脹又飽。其他任食配料都好多選擇。不過因為太飽。每樣叫少少試下。點知仲有心太軟送。好彩甜品係另一個胃。好滿足地畫上句號。