廿一前 (已結業)

天氣開始涼了，火鍋癮自然起，最新見到報道介紹荃灣眾安街大鴻輝中心21樓，有間「廿一前」火鍋自助放題，梗係要前來解一解火鍋癮啦。火鍋自助放題，分兩個時段，午餐及晚餐，價錢由98蚊起。 包括有海鮮、刺身、炸物、串燒、炸串、天婦羅、沙律吧、甜品及飲品， 款式包羅萬有， 而且仲半自助，點好湯底，肉類有牛，豬同雞及海鮮都會點湯式後送上。還有刺身拼盤及泰國生蝦，2人份量，質素都ok。沙律吧那裏面有好多菜及火鍋配料選擇，菜類十分豐富，連花生芽菜都有，勁呀。串燒還有3款口味， 醬汁燒、鹽燒或味噌燒，梗係要款款口味都試一串啦。炸串就點了，最特別是炸蓮藕及蘆筍豚腩卷， 一試也無妨 。天婦羅都有，梗係要點啦，我試了甜番薯仔及炸午餐肉，哈哈，感覺又幾得意。整體上價錢及質素跟一般火鍋自助放題都 不相伯仲，多了串燒，炸串及天婦羅給客人選擇，所以來不太愛火鍋也不來點炸物及串燒，也可照顧到其他朋友的需要。