食驗室 (D2 Place) (已結業)

"包羅萬有"外賣店最近返工食晏經過D2 place 2見到開咗間外賣飯專門店, 放工決定去買返嚟試下😊 呢間外賣店好得意, 裝修得好新潮, 好型格, 陣間食驗室咁, 自助落單, 電子付款, 而且落單之後唔使等好耐就有, 勁快手! 雲上。牛 ( 溫泉蛋牛肉丼飯) - $48見到個飯, 就覺得個名好襯佢, 溫泉蛋🥚牛肉上面好似一舊雲☁️咁樣😂 飯嘅份量都唔小, 洋蔥都炒得好香, 牛肉又淋又好食, 成個飯都好香, 好似吉xx嘅味道, 不話醬汁較為淡一點! 深海火龍丼🍱 (辛辣泡菜魷魚飯) - $48呢個泡菜魷魚🦑飯都好好食魷魚🦑一啲都唔韌, 配埋泡菜酸酸辣辣🌶️非常之開胃😋和風效應 (韓式豚肉) - $48呢個係泡菜飯卷, 卷內有泡菜 , 韓式豚肉, 豬肉片好軟嫩, 泡菜酸酸辣辣好味! 荔枝茉莉茶 +$18入口有好香嘅荔枝同茉莉花香味, 唔算太甜 非常解渴檸檬🥭薏米水 +$18檸檬🥭薏米水好清甜, 樽入面有好多薏米, 生津解渴, 去水腫, 啱曬我哋飲😋唔食飯丼🍱, 仲有勁多選擇, 有卷餅, 芝士餡餅🥙, 漢堡包🍔, 小食 可惜我食唔哂咁多, 下次我會再試下漢堡包, 餡餅😋地址: 荔枝角長順街15