喜亭軒 (已結業)

🍽喜亭軒 (旺角)📍旺角亞皆老街16號旺角商業大廈3樓天氣開始轉涼啦🍂，想食雞煲，又想食火鍋，又想食刺身但燒肉又不可或缺，究竟點揀好呢？如果有選擇困難症既你，咩都唔使諗！不如就試吓喜亭軒啦！👍🏻一間餐廳滿足你三個願望，佢就係一間咩都有既放題。🍻雞煲🐓惹味嘅辣雞煲，每件雞都炒到均勻入味，微焦既雞肉，食起上嚟好嫩滑，令人食慾大增。洋蔥同芫荽嘅味道，令到雞煲更香更有味道。喺雞煲下面，放咗好多豬皮，豬皮吸收曬雞煲嘅精華，真係令人一口接一口。刺身🍣魚生好新鮮，內容亦都好豐富，包括有：三文魚，八爪魚，牡丹蝦，北寄貝，仲有人見人愛嘅鮮甜帶子，真係包羅萬有。燒肉🥓燒肉嘅選擇好多有牛舌，豬頸肉，秋刀魚同多春魚等等，大部份你諗到嘅佢都有。醃製過嘅豬頸肉，食落去爽爽地好邪惡，牛舌同牛肉粒都好嫩，點燒都唔柴，秋刀魚同多春魚好新鮮。火鍋🥘湯底我哋今次叫咗養生花膠蟲草湯底，味道淡淡地，好吸引。花膠好吸引，食完覺得自己好多骨膠原，減低自己食嘢嘅罪惡感。火鍋配料有好多選擇，不能錯過嘅當然係佢哋嘅「美國SRF黑毛和牛」！口感好軟腍，牛肉嘅味道好重，真係不能缺少。海鮮都唔錯，有青口，蟶子，海蝦，水魷等等，全部都好有鮮味。