宮崎日式燒肉店 (已結業)

燒肉燒肉燒肉燒肉！！！今晚大腦忽然響起想食燒肉嘅魔曲！於是就平平哋食個宮崎，勝在價錢吸引，肉類選擇多，而且仲有刺身食，間場清清味蕾又幾唔錯！｜和牛｜黑椒薄切牛舌、一口牛粒、牛胸腹同薄牛，一整盆都係牛牛牛，單睇色彩經已好吸引又juicy！牛味一啲都唔馬虎，質素中上！牛舌雖然係薄切，但口感好好，牛騷味濃！另外一口牛同牛胸腹嘅脂肪分佈亦十分平均，日本牛嘅質素果然不同凡響，基本上啖啖都入口即溶！相對地，薄牛比較瘦，但入口同樣香濃！ ｜走地雞｜雞肉好細嫩，分別有蒜香、蜜糖、芥末、胡麻同法式香草5味！5款我都試晒，大愛蒜香及蜜糖，兩者都醃製得異常出色入味，喺燒嘅過程中，經已散發出陣陣香味！口外甜甜嘅蜜糖亦相當惹味！ ｜刺身｜刺身方面只喺單點咗三文魚同甜蝦，最重要嘅一點－新鮮，佢都做到！三文魚仲相當肥美！