唐記包點 (港鐵彩虹站)

營業中

休息中

今晚叫外賣懶得煮，梗係喺地鐵站買唐記返屋企做晚餐啦，  彩虹地鐵站灣唐記做緊套餐， 蒸飯加點心再送多一盒烏龍茶，45蚊，叫咗排骨飯 同埋蒸豬肉燒賣。 排骨飯 排骨飯非常大盒， 椰菜比得非常之多， 再加埋四粒杞子燒賣， 屋企大男人肯定夠飽， 配埋凍頂烏龍茶就簡直perfect。 章魚肉餅飯 另外仲叫咗個章魚肉餅飯， 單買盒廿七蚊，  章魚肉餅好大塊有章魚粒粒同埋馬蹄粒粒喺入面， 食落爽口。 另外仲叫咗四個包第二朝做早餐， 香姑雞包  有木耳又有雞肉， 夠爽口， 最緊要夠大個包，夠曬飽。 叉燒包  叉燒味濃但唔會太鹹， 啱曬平時冇得去飲茶嘅我。 菜肉包  菜同肉一半一半營養均衡， 包蒸得夠軟熟，好味。 麥皮 饅頭 加添麥皮的饅頭有纖維， 又夠軟熟，比白饅頭好食。