華香園

營業中

休息中

海防道熟食檔有好幾間食試，今次無心插柳下去了華香園。未坐底老細已大買廣告，誇口的說"黎尖沙咀一定要食我地既豬扒"，好!就要試試你的秘制豬扒與發興的有何分別。豬扒紅腸通粉-豬扒是另上，薄薄的一塊，肉質唔夠鬆，咬落有點實的，味道甜了又一些；兩大塊紅腸，顏色瘀瘀黑黑；通粉較為細粒，彈牙感覺不明顯。厚醬多-真是幾厚身，可惜烘得不過透徹，做不到外脆內軟的效果。原來同發興一樣有「正野」，承為$8，比厚多士貴，原來很少人食的包頭都是幾值錢。蛋牛治-方包比一般的厚，又軟熟；饀了勁熱辣，不過雞蛋煎得過老。奶茶-夠濃但竟然茶味不夠，入口有點粗糙。雖然水準一般，但伙計的態度好熱誠，服務方面加多一份啦!