影片
更多
2008-01-26
45 瀏覽
屋企人無意中買了一個紅苺芝士包給我，我想講話：很美味ya！本想再encore，但屋企人到第二日lunch至tea time經過想再買已失去了包的芳蹤…未出爐？俾人買晒？直到今日我又再有機會食，原來同我預料一樣：拎去叮一叮更美味！第一次我食時係因為忍唔住太肚餓凍冰冰都照擺落口。但凍冰冰都無礙芝士個口感…我諗不論係卡夫芝士甚至每逢芝士或牛油凍冰冰夾落個麵包係很難食的，但這個包當時沒有給我食不下嚥芝士硬塊的感覺~或者個包餡有少許牛油味，頂多俾我牛油夾麵包的感覺而已。到第二次食時我就慢慢歎…對它溫柔一點，幫它焗個桑拿拎去微波爐叮一叮。原來半溶狀態真係唔錯！叮後的芝士個口感仍然軟綿綿，又不會像卡夫芝士叮後個口感很杰很膠…再有粒粒紅苺就唔會太漏啦！第一次買時個包餡勁大方囉！包餡佔了整個包的三分二…到第二次買的芝士餡冇第一次咁多但都填滿晒(第二幅圖)，但兩次的紅苺乾都數量充足。$6一個，仲要月餅咁大個咋！我覺得算貴，但合我心意就沒所謂啦！至於我亦食了五個唔同味的麻糬，分別係綠茶、士多啤梨、朱古力、芝士和黑芝麻。由好味的次序我會排列為芝士>黑芝麻>朱古力>士多啤梨>綠茶
屋企人無意中買了一個紅苺芝士包給我，我想講話：很美味ya！
本想再encore，但屋企人到第二日lunch至tea time經過想再買已失去了包的芳蹤…未出爐？俾人買晒？
直到今日我又再有機會食，原來同我預料一樣：拎去叮一叮更美味！
第一次我食時係因為忍唔住太肚餓凍冰冰都照擺落口。但凍冰冰都無礙芝士個口感…我諗不論係卡夫芝士甚至每逢芝士或牛油凍冰冰夾落個麵包係很難食的，但這個包當時沒有給我食不下嚥芝士硬塊的感覺~或者個包餡有少許牛油味，頂多俾我牛油夾麵包的感覺而已。
到第二次食時我就慢慢歎…對它溫柔一點，幫它焗個桑拿拎去微波爐叮一叮。原來半溶狀態真係唔錯！叮後的芝士個口感仍然軟綿綿，又不會像卡夫芝士叮後個口感很杰很膠…再有粒粒紅苺就唔會太漏啦！
第一次買時個包餡勁大方囉！包餡佔了整個包的三分二…到第二次買的芝士餡冇第一次咁多但都填滿晒(第二幅圖)，但兩次的紅苺乾都數量充足。
$6一個，仲要月餅咁大個咋！我覺得算貴，但合我心意就沒所謂啦！
至於我亦食了五個唔同味的麻糬，分別係綠茶、士多啤梨、朱古力、芝士和黑芝麻。
由好味的次序我會排列為芝士>黑芝麻>朱古力>士多啤梨>綠茶
理由就係：
芝士—我本身係芝士怪，而芝士焗後入口粒粒感唔明顯，但芝士味都很香囉！
黑芝麻—口感有勁多黑芝麻，味道很自然的一個。
朱古力—整個聞落很香很濃的朱古力味，亦有朱古力粒粒，但唔會甜。
士多啤梨—有士多啤梨粒粒，食落整個包都幾fresh~係個味令我諗起麥記雪糕新地。
綠茶—食時有很濃的綠茶味，但唔g點解入口有種粉感，即係很令我諗起食緊綠茶粉。
麻糬平日食開a1，但再食山崎我會揀芝士和黑芝麻。
食後感：兩款包我並唔係購買當日即時食，留待第二天的早餐原來都ok...印象中食開的a1係要即時食才好食，留待第二天係會差天共地，慶幸a1擺了半晚都沒太太異樣。
***味道5分係俾芝士那款
張貼
