881包子

營業中

休息中

上環新開包點店，主打唔同肉餡嘅包包，出面有個玻璃窗可以望住店員即場製作，新鮮熱辣辣，絕唔過夜。店內環境設計簡潔，全紅色，有幾個座位可以堂食，不過見大部分都係叫外賣為主。招牌菜有醬肉大包，大大個，肉、菇、蔥混合而成，咬落爆餡，鹹香味足，包皮軟糯，帶微微麵包香氣。建議可以搭配豆漿同小米粥，前者甜度適中，後者帶粒粒口感，性價比高。若唔想要咁大個嘅可以選擇要鮮肉小包，有多款唔同口味，要咗鮮肉小包同玉米鮮肉小包，一籠有六個，豬肉味道濃郁，有埋粟米會帶出豬肉嘅鮮甜味，兩款各有千秋。