金蘭花泰國菜 (已結業)

一向好鍾意食泰國菜既我,今日男朋友帶左我去試一試金蘭花泰國菜館。近排返工因為小小事好唔開心，所以收工好想化悲憤為食量，於是男朋友就上網搵左依間泰國菜。我地黎到既時候，人比較少，唔洗等位,雖然得兩個人，但我哋兩個叫咗好多野食。好似豬手同豬碩肉咁。個人覺得脆皮豬手，一定要試皮好香脆，仲有泰式燒豬頸肉，啲肉夠嫩，同埋佢個調味醬汁，十分出色，酸酸甜甜好開胃！最後仲有佢既炸蝦餅，炸得好香口，我食過咁多間泰國野最好食既，另外，依度重點啲店員服務態度好好，會幫手好快咁收晒啲碟，所以值得一讚，食到最後，我發現本身心情唔好既我個心都舒服左好多，唔通真係悲憤化成食量？