White Button Cafe & Dessert (已結業)

呢間樓上cafe真係好random咁搵，純粹見到個餐廳環境粉紅色好似幾靚，座位望落幾寬淌所以就覺得去呢度食lunch。一入到去發覺其實地方都幾大，座位好多，雖然係中午食飯時間，但可能因為係樓上cafe嘅關係，所以得好少人。餐廳用粉紅色做主題，好適合用嚟打卡影靚相。我同朋友點左一個泡菜豚肉飯，同埋抹茶梳乎厘奄列。泡菜豚肉飯就一般般，冇咩特別，不過以佢嘅價錢來講其實算係偏貴。重點係佢嘅抹茶梳乎厘奄列。我唔係一個抹茶控，但係呢個抹茶梳乎厘奄列都幾好食💕由於佢賣相麻麻，所以幫佢改左個名叫「我很醜 可是我很溫柔」，我覺得超級貼切。🤭