影片
更多
2021-05-10
1804 瀏覽
母親節嘅第二朝就要考試，唯有唔喺正日慶祝。於是，前日就同爸爸媽媽去呢間古琴雅苑，食我哋最鍾意食嘅北京填鴨，當係母親節晚飯。🦆烤北京填鴨（半隻）$185 三個人share半隻烤北京填鴨食好夠食。呢度嘅北京填鴨肉質細嫩，肥而不膩。鴨皮好脆之餘，鴨肉亦都唔鞋。加埋青瓜、哈密瓜、京蔥、京醬同埋蜂蜜黃梅醬，以好薄嘅鴨卷餅包住，就變咗一道人間美食。我個人唔太鍾意食京蔥，所以就冇落到京蔥。青瓜同哈密瓜嘅清新，鴨皮嘅香脆同油香，醬料嘅甜味，對我黎講缺一不可。一口咬落去，無論係味道定係口感嘅層次都非常豐富，令我一件接一件咁食。另外，店員亦都會切咗幾片香脆嘅鴨皮，可以就咁點砂糖食，估唔到竟然會有入口即溶嘅口感，食咗之後仲齒頰留香。🐟風味松子魚 $238松子魚係原條咁上嘅，然後店員會喺我地面前將松子魚剪開一份份，方便進食。松子魚炸得好香脆，估唔到淋上甜酸嘅醬汁之後都唔會變淋，仲係好脆。入面嘅魚肉亦都非常嫩滑，好好食。🥬蒜子干貝時蔬 $82呢個係我話一定要叫嘅，因為食咁多美食，唔可以唔食啲菜。而個菜我都希望係相對清淡少少嘅，所以就揀左呢個唔係炒，而係上湯嘅蒜子干貝時蔬。干貝份量都幾多，而時蔬係菜心。菜心軟硬度
🦆烤北京填鴨（半隻）$185
三個人share半隻烤北京填鴨食好夠食。呢度嘅北京填鴨肉質細嫩，肥而不膩。鴨皮好脆之餘，鴨肉亦都唔鞋。加埋青瓜、哈密瓜、京蔥、京醬同埋蜂蜜黃梅醬，以好薄嘅鴨卷餅包住，就變咗一道人間美食。我個人唔太鍾意食京蔥，所以就冇落到京蔥。青瓜同哈密瓜嘅清新，鴨皮嘅香脆同油香，醬料嘅甜味，對我黎講缺一不可。一口咬落去，無論係味道定係口感嘅層次都非常豐富，令我一件接一件咁食。
另外，店員亦都會切咗幾片香脆嘅鴨皮，可以就咁點砂糖食，估唔到竟然會有入口即溶嘅口感，食咗之後仲齒頰留香。
🐟風味松子魚 $238
松子魚係原條咁上嘅，然後店員會喺我地面前將松子魚剪開一份份，方便進食。松子魚炸得好香脆，估唔到淋上甜酸嘅醬汁之後都唔會變淋，仲係好脆。入面嘅魚肉亦都非常嫩滑，好好食。
🥬蒜子干貝時蔬 $82
呢個係我話一定要叫嘅，因為食咁多美食，唔可以唔食啲菜。而個菜我都希望係相對清淡少少嘅，所以就揀左呢個唔係炒，而係上湯嘅蒜子干貝時蔬。干貝份量都幾多，而時蔬係菜心。菜心軟硬度煮得適中，唔會太硬，好啱我食。配埋干貝，會有鹹鮮味。
🐥十三香農家雞 $125
農家雞以煲仔上，一上檯嘅時候仲熱辣辣香噴噴。雞件份量都多，雞皮都幾香脆，雞肉嫩滑。我同爸爸媽媽都鍾意食。
請爸爸媽媽食左一餐好食嘅中菜去預祝母親節，媽媽都好滿足，真係多謝佢咁體諒我要考試，唔要求我正日慶祝。真係世上只有媽媽好。
張貼
