沐白小農 (已結業)

今日公司有事派我同兩個同事過一過荃灣果邊一轉。搞完公事可以直接收工，正～～正好可以喺荃灣呢邊周圍搵下嘢食。行下行下，比我哋遇到呢間沐白小農牧場，睇落係類似貢茶果種。見大家都有啲口渴就飲啦！佢哋叫咗杯大甲芋頭鮮奶同黑糖波霸鮮奶。兩款都唔錯嘅聽返同事講。就算落咗黑糖都唔會話太過甜，甜度係適中，亦都相對健康啲，本來鍾意飲珍珠奶茶嘅人都值得去飲返次。然後個芋頭鮮奶都夠晒甜，飲落就feel到佢有濃濃嘅芋頭香味。可以推薦比鍾意食芋頭嘅朋友。由於我自己唔太習慣飲啲乜乜乜溝鮮奶嘅飲品，所以我自己另外叫杯凍柳橙綠茶(無糖)。沖出嚟隻真係幾正下，個橙色好靚搞到我忍唔住係咁影相。飲落都唔係差嘅，由於我叫嘅係無糖所以甜度唔高，比較多嘅係橙香味同綠茶嘅澀味。