Mee...lemongrass (彩園廣場) (已結業)

最近成日落雨，由上水火車站行過彩園商場完全唔使淋雨，所以就揀咗其中一間食肆試吓。餐廳嘅選擇好多元化，越南菜泰國菜新加坡菜甚至台灣珍珠奶茶都有...2個人唔係太肚餓，叫左一個拼盆，馬拉盞通菜，1碗喇沙share。拼盤入邊有春卷，牛油雞翼，串燒，泰式鳳爪，炸蝦餅...1次過滿足曬多個願望。喇沙嘅材料非常豐富，而且湯底好正好濃郁，油麵加米粉嘅配搭好好食，份量足料，2個人食都夠飽。食完主菜梗係要食埋甜品啦，椰汁糕同芒果糯米飯都好好食，而且個芒果糯米飯好似壽司咁一件件，share 食就唔怕分唔暈啦。