亨通餃子店 (已結業)

餃子控又出動！收工黎食，見到食客多數係街坊，老闆娘同熟客有傾有講，幾有人情味。店內只有八個座位，有一角係擀餃子皮既工作檯，有部份易出水既餃子姐姐會即叫即整兩個人嗌左茴香豬肉餃 ($42)、牛肉餡餅 ($18)、炸醬麵 ($35)。餡餅切完餅皮仍然係痴住既，餡有d散，食得好狼狽。肉汁係有既，不過唔算好多，值得一讚既係入面既洋蔥同香料整得好食。茴香豬肉餃 - 北方餃子預左皮會有d厚。茴香好正好香，八隻輕鬆清晒 注意，依度應該不設雙拼餃子。炸醬麵 - 全餐最好食既！一定要試！！秘製炸醬、蘿蔔絲、青瓜絲、蒜蓉、芫茜、醬汁，撈勻食，而家諗起都食指大動流晒口水兩個人埋單$100都唔使，好抵！不過值得一提既係舖入面抽風欠佳，我比油煙薰到對眼好辛苦，係咁標眼水，食完出黎頭髮都有陣油煙味 建議大家坐出面或者外賣，還掂入面冷氣唔大，夜晚食既坐出面其實冇咩分別。