影片
更多
2018-06-02
1380 瀏覽
葵芳新開的日式火鍋店「但馬屋」，大熱天時仲去食火鍋，當然有其吸引之處，難怪閒日晚上都超多人輪號等位。我地都等左一陣，7:30入座，可以食90分鐘，時間一定夠，因為係一人一鍋的，可以選自己喜歡湯底，而且仲可以避免朋友同自己唔食既食物，如朋友唔食牛/豬/辣......都冇問題，也可以同枱食飯，各自一鍋。但強烈建議食呢度牛同豬。餐廳主打靚牛肉同靚豬肉的放題。今晚我地揀北海道「夢之大地」豚放題套餐$249，有獨家引入的「夢之大地」豚肉，來自北海道，用其大自然優勢，良好的土、水、空氣、氣候等，生育及飼養的豬，除了肉質優良，肉味濃而少了豬羶味，加上優質甘甜的脂肪，就是由夢想的大地孕育出來的豚肉。醬汁有四款，醬油、芝麻醬、醋汁、大阪黃金燒汁，還有一般的蔥、蒜、辣椒、芫茜等。最令我好奇的是「大阪黃金燒汁」，味道微甜帶咸，有芝麻香的燒汁，配牛肉好美味。而芝麻醬同醋汁配豚肉真係好夾好好味。肉類放題任點，當然唔少得配料，但大部分都是基本及常見的，腸仔、魚丸、南瓜、百葉等。不過最受歡迎就是雞件及魚肉塊，粟米、蛋餃及拉麵也是我心水配料。蔬菜類最吸引是羽衣甘藍及菇菌類，少有又貴價的羽衣甘藍，營養價值同樣高，所以可
葵芳新開的日式火鍋店「但馬屋」，大熱天時仲去食火鍋，當然有其吸引之處，難怪閒日晚上都超多人輪號等位。我地都等左一陣，7:30入座，可以食90分鐘，時間一定夠，因為係一人一鍋的，可以選自己喜歡湯底，而且仲可以避免朋友同自己唔食既食物，如朋友唔食牛/豬/辣......都冇問題，也可以同枱食飯，各自一鍋。但強烈建議食呢度牛同豬。餐廳主打靚牛肉同靚豬肉的放題。
今晚我地揀北海道「夢之大地」豚放題套餐$249，有獨家引入的「夢之大地」豚肉，來自北海道，用其大自然優勢，良好的土、水、空氣、氣候等，生育及飼養的豬，除了肉質優良，肉味濃而少了豬羶味，加上優質甘甜的脂肪，就是由夢想的大地孕育出來的豚肉。
醬汁有四款，醬油、芝麻醬、醋汁、大阪黃金燒汁，還有一般的蔥、蒜、辣椒、芫茜等。
最令我好奇的是「大阪黃金燒汁」，味道微甜帶咸，有芝麻香的燒汁，配牛肉好美味。而芝麻醬同醋汁配豚肉真係好夾好好味。
肉類放題任點，當然唔少得配料，但大部分都是基本及常見的，腸仔、魚丸、南瓜、百葉等。
不過最受歡迎就是雞件及魚肉塊，粟米、蛋餃及拉麵也是我心水配料。
蔬菜類最吸引是羽衣甘藍及菇菌類，少有又貴價的羽衣甘藍，營養價值同樣高，所以可以多食一點，值回票價。所有配料都放雪櫃上，可保持新鮮度，侍應都好勤力添加，乾淨衛生又整齊。
罐裝飲品選擇之外，有蘋果汁、橙汁、雜果賓治及甘蔗汁，仲要雪凍好清爽，亦可選擇沖泡熱茶。
汽水罐裝飲品選擇唔算好多，有10款，但我地發現有款放題恩物，睇睇新出的白色罐裝汽水。
就是Coca-Cola plus，加入膳食纖維，聲稱可減慢糖份攝取、減少脂肪吸引。咁我地盡情掃食牛肉同豚肉，仲有haagen-dazs雪糕。
餐廳有五款湯底，友人揀「甘露鍋」，主要用甜豉油，味道甜甜好似食緊壽喜燒的味道，用來涮牛肉最適合。
嚴選牛肉
37 瀏覽
0 讚好
0 留言
牛肉味濃郁，牛肉夠薄好快熟，肉質嫩而有咬感，脂肪唔算好多，食完不膩，再多都食到。
第二轉牛肉，感覺更薄身，但大片了好多，一口跟整食唔哂，口內滿爆的牛肉，充滿脂香，超級滿足。
第三、四轉都保持一樣肉質，大片過鍋口，可想而知有多大吸引力，停唔到口。
我點了「美肌鍋」，即是雞鍋，內有雞肉，湯底含豐富骨膠原，有滋補美容之效，餐廳內女仕都點這鍋，奶白色湯底有雞湯的味道。
雞肉有彈性，肉質幾好。
北海道夢之大地豚
92 瀏覽
0 讚好
0 留言
我地都食了三、四碟，喜歡豚肉的食友必食。
入口有濃重豬味，果然濃而不羶，脂肪特別香甜，仲有超級有彈性，清爽不膩的豚肉，一口接一口，也是食不膩。配醋汁更清新、配芝麻醬就特別香，仲令豚肉味更突出。
魚肉塊好滑溜又嫩，要輕柔夾起，魚肉嫩到快散開，入口滑到喉嚨，不會腥。
食過肉類後，都食點其他配料，粟米好甜美，羽衣甘藍涮耐了也保持爽口感。
蛋餃熟了原來脹卜卜好正，餡料是肉碎，吸到湯汁精華，味道好好。
最後我仲取了少許拉麵，我見拉麵比較少出現放題，估唔到自己煮拉麵，味道都唔錯，又滑又彈，仲吸埋湯中的肉味，比起即食麵同烏冬，呢個拉麵都幾輕盈。
餐廳甜品是雪糕，都是放題，用有質素的haagen-dazs，係我至愛，所以都食左6球。
四款口味包捨焦糖脆餅、士多啤梨、咖啡、意大利芝士餅，不用心急怕被人食完就冇，餐廳會補添新雪糕。
士多啤梨最美味，大量果肉，甜中帶醒神微微水果酸，所以食左四球。
焦糖脆餅好香甜，脆餅增加焦脆口感，可能餐廳新鮮入貨，脆餅無潮仍有脆感，抵讚。意大利芝士蛋糕內有咖啡醬，咖啡味同芝士蛋糕味道平均。
餐廳整體感覺良好，環境乾淨有日式風格裝潢，食物放得整齊有序，侍應亦服務好好，勤添加食物、添加湯底及收取碗碟，追加點的肉類也超快上枱，安排位座及付款時也做得好貼心，會預早15分鐘提醒限時，重點是態度好好，不得不讚。
張貼
