MOS Burger

營業中

休息中

臨放工之前媽媽打電話嚟話唔煮晚飯，所以就要自己買野食，喺商場行咗陣之後決定買漢堡🍔因為都好耐冇食過lu。佢而家無恢復晚市堂食，外賣嘅話仲有九折優惠。🎈特級和牛漢堡🍔原本對呢個漢堡有啲期望，但食落口發現其實同普通牛肉漢堡差唔多，反而幾鍾意佢個醬汁，同埋塊番茄🍅都好大塊，不過唔知係咪因為個包唔係太熱，所以芝士冇溶到，整體來講呢個包比較普通。🎈北海道南瓜薯餅反而呢個薯餅有驚喜，就咁睇表面嘅話好似好普通，但食落去之後發現佢個皮好薄，裏面嘅南瓜蓉好多，而且南瓜味好香，我覺得呢個薯餅係好食過個包添啊！整體來講，南瓜薯餅係值得食嘅，不過包嘅話下次就會揀第二個。