影片
更多
2023-02-20
1244 瀏覽
約咗朋友嚟 AEON STYLE 購物，上網 Search 下附近有乜好嘢食。原來康怡廣場新開咗間「佐賀山田」Shabu Shabu。餐廳主打一人一爐火鍋，而我哋今次揀咗個「北海道未來牛涮涮鍋」，客人可於 90 分鐘內任食未來牛及 11 款精選肉品，另外仲有海鮮、大量火鍋配料，全部都可以任食。湯底點咗日本博多華味鳥雞白湯 (+$15@)，湯身呈乳白色，質感順滑，入口濃稠鮮美，甜而不膩，充滿骨膠原。肉類方面，首推當然係北海道未來牛，食落肉質細滑，油脂甘香，而且脂肪分佈好均勻，肉味比起和牛更加濃厚，有入口即溶嘅感覺。牛小排紋理好靚，呈粉嫩色澤，質感滑溜，入口肉香四溢。牛肩胛肉質結實具彈性、而 SRF 和牛亦非常高質，同時具日本和牛油花和美國安格斯牛濃郁肉味，入口啖啖甘香。海鮮有海虎蝦、北海道帆立貝肉、青口同墨魚仔等，全部食材都好新鮮。虎蝦鮮味爽彈、帆立貝肥大肉厚，而墨魚仔亦煙韌有咬口，最啱就係用嚟打邊爐。另外餐廳設有自助放題區，有冷盤小食、沙律、多款唔同種類嘅蔬菜、肉丸、甜品、雪糕及日本明治雪條等供應。前菜小食有味付螺肉、中華沙律、日式八爪魚、胡麻豆腐等，另外仲有紫菜絲、飯素同雞蛋，客人可
約咗朋友嚟 AEON STYLE 購物，上網 Search 下附近有乜好嘢食。原來康怡廣場新開咗間「佐賀山田」Shabu Shabu。
餐廳主打一人一爐火鍋，而我哋今次揀咗個「北海道未來牛涮涮鍋」，客人可於 90 分鐘內任食未來牛及 11 款精選肉品，另外仲有海鮮、大量火鍋配料，全部都可以任食。
湯底點咗日本博多華味鳥雞白湯 (+$15@)，湯身呈乳白色，質感順滑，入口濃稠鮮美，甜而不膩，充滿骨膠原。
肉類方面，首推當然係北海道未來牛，食落肉質細滑，油脂甘香，而且脂肪分佈好均勻，肉味比起和牛更加濃厚，有入口即溶嘅感覺。
牛小排紋理好靚，呈粉嫩色澤，質感滑溜，入口肉香四溢。牛肩胛肉質結實具彈性、而 SRF 和牛亦非常高質，同時具日本和牛油花和美國安格斯牛濃郁肉味，入口啖啖甘香。
海鮮有海虎蝦、北海道帆立貝肉、青口同墨魚仔等，全部食材都好新鮮。虎蝦鮮味爽彈、帆立貝肥大肉厚，而墨魚仔亦煙韌有咬口，最啱就係用嚟打邊爐。
另外餐廳設有自助放題區，有冷盤小食、沙律、多款唔同種類嘅蔬菜、肉丸、甜品、雪糕及日本明治雪條等供應。
前菜小食有味付螺肉、中華沙律、日式八爪魚、胡麻豆腐等，另外仲有紫菜絲、飯素同雞蛋，客人可以自己 DIY 炮製山田紫菜飯。
飲品方面，種類亦非常之多，由果汁、茶飲、汽水，以至咖啡等，應有盡有，以後想食火鍋放題有多個好地方👍
張貼
