森．湯咖哩 (已結業)

湯咖哩 係 北海道札幌特產名物，主要用上多種香料及高湯做成清爽的咖哩湯汁，再放入大塊的蔬菜及其他食材，成為可以飲嘅湯咖哩～✮ 飛驒牛漢堡扒湯咖哩 配 白飯一拎上枱，已經聞到好香，辣度有原味、小辣及中辣，我選咗中辣，感覺唔太辣😂清爽又惹味嘅湯咖哩配上多款時令蔬菜，加上大大塊飛驒牛漢堡扒十分吸引呢，蔬菜吸收曬啲湯汁，好好味，特別係南瓜😋 和牛漢堡扒煎得唔錯，牛味香濃！一啖湯咖哩，一啖飯，滋味～✮ 香煎帶子湯咖哩 配 烏龍麵呢個都有辣度選擇，我選咗原味，咖喱湯入口甜甜地，烏龍麵滑溜煙韌，都算幾掛湯，帶子煎得唔錯，嫩滑鮮甜，好大碗！✮ 串燒Set $100有6串，仲送一杯Suntory生啤，好抵呀！串燒分別有雞肉、雞中翼、雞軟骨、雞脾菇、翠肉瓜、秋葵，全部都係即叫即燒，特別係雞中翼，燒到好香脆，好好味😋湯咖哩喺香港算係比較少見，值得一試！同平時食開嘅日式咖哩好唔同～鐘意飲生啤，就唔好錯過$58買一送一，抵