i CREMERiA (已結業)

夏日炎炎，又係時候食雪糕，但係咁多間雪糕店，你又會揀邊間呢？我心中就會出現creameria，因為自從有次係日本啲公路休息站食過杯，就一試難忘。去開尖沙咀食飯，當然順口去食下。 入面大約有十幾個座位，裝修淡雅， 可以同朋友坐低慢慢食。 北海道蜜瓜deluxe雪糕，外表非常吸睛，用上半個北海道蜜瓜，牛奶雪糕上面亦都鋪咗金箔。金箔本身係冇味道嘅，牛奶雪糕非常香滑濃郁， 蜜瓜清甜爽口又多汁，配埋雪糕食一流！ 芒果雪糕芭菲，上面嘅芒果鮮甜多汁，啱曬我呢個芒果迷。中間會有啲脆米增加口感，底下亦都有芒果醬令到層次豐富。