影片
更多
2024-05-05
63 瀏覽
Bookmark咗間Café都有一段時間，都知道間Café好多人排隊，特別仲要係深水埗嗰啲位置，所以一直唔夠膽試。見到最近佢哋喺北角開咗一間新嘅分店，諗住搏下新開冇乜人，但結果我發現其實好快都滿座，好彩我早咗啲入嚟，如果唔係就冇位坐了。Café裝修係我好鍾意嘅工業水泥風格，搭配埋木系枱凳，成個環境感覺都幾和諧舒服。雖然上菜係有啲啲慢，但Café就係咁chill。而作為一間Pet friendly嘅Café，等待期間望住啲狗狗都不失為一個樂趣。今次因為太肚餓所以主要都係試吓啲嘢飲同埋主食，下次嚟應該要試吓啲蛋糕。‣ Gee Gee Gat Gat $68我見到個名覺得好得意好想嗌，想睇吓係咩嚟。到佢上枱個刻望住呢杯紅卜卜嘅嘢，我先問個店員其實係咩嚟。咖啡底嘅糖漿係洛神花、話梅加山楂，記住一定要攪勻佢先飲。我好鍾意嗰種酸甜感，唔單止中和到咖啡嗰浸苦味，仲提升到咖啡嘅香。我朋友問我個肉桂棒係咪拎嚟代替紙飲管，我話應該純粹攞嚟攪拌用，不過擺玉桂棒喺入邊擺得耐咗，杯咖啡都有啲肉桂嘅香味滲咗出嚟，覺得飲完係真係開胃咗。‣ Hojicha Latte $45一上枱見到個拉花就「嘩」咗出聲，好耐冇見過
Gee Gee Gat Gat
$68
22 瀏覽
0 讚好
0 留言
‣ Gee Gee Gat Gat $68
我見到個名覺得好得意好想嗌，想睇吓係咩嚟。到佢上枱個刻望住呢杯紅卜卜嘅嘢，我先問個店員其實係咩嚟。咖啡底嘅糖漿係洛神花、話梅加山楂，記住一定要攪勻佢先飲。我好鍾意嗰種酸甜感，唔單止中和到咖啡嗰浸苦味，仲提升到咖啡嘅香。我朋友問我個肉桂棒係咪拎嚟代替紙飲管，我話應該純粹攞嚟攪拌用，不過擺玉桂棒喺入邊擺得耐咗，杯咖啡都有啲肉桂嘅香味滲咗出嚟，覺得飲完係真係開胃咗。
Hojicha Latte
$45
5 瀏覽
0 讚好
0 留言
‣ Hojicha Latte $45
一上枱見到個拉花就「嘩」咗出聲，好耐冇見過啲咁有誠意嘅拉花，平時收到心心我已經好開心，今次見到獨角獸真係可以賜我全日好心情，好彩有嗌到熱飲。第一啖已經飲到焙茶嘅香，糖嘅比例拿捏得啱啱好，對我呢個飲慣無糖嘅人嚟講都唔覺得太甜，不過個人偏好gee gee gat gat，真係夠特別。
蟹肉煙肉三重芝士治
$98
6 瀏覽
0 讚好
0 留言
‣ 蟹肉煙肉三重芝士治 $98
雖然話就話係三重芝士治，但係我覺得蟹肉嘅味道係最出嘅，食落口真係啖啖蟹肉，超級爽。一開始三文治嘅邊都係脆卜卜嘅，配埋啲蟹肉真係勁爽。雖然佢唔係平時嗰啲會拉絲嗰啲芝士，但係佢嘅芝士味都算幾濃。雖然望落覺得唔大份，但係食食吓覺得都幾飽，畢竟佢都係三重芝士，所以都會增加個飽腹感。啱啱上枱嘅時候記住一定要即刻食，耐咗就真係冇咁好食㗎啦。
全素意粉
$108
8 瀏覽
0 讚好
0 留言
‣ 全素意粉 $108
呢個係北角限定，雖然自己好少食齋，但見到就覺得要嗌嚟試吓。佢嘅意粉好出色，豆乳加麵豉味道相當夾，而牛蒡嘅角色就係將意粉口感提升。而佢嘅腐竹球調味做得好唔錯，咬落去食到腐竹嘅層次感，有刻都真係有種好似唔係食緊齋嘅感覺。Menu寫明可以走五辛，不過我本人真係好鍾意意粉入面嘅洋蔥同蒜香，所以冇特別走，但呢點真係好vegan friendly。
張貼
