CACTUS

營業中

休息中

🌵真係大鄉里出城，朋友今日帶咗我去砲台山道嘅Cactus，食燒仙人掌扒$158，望落有少少似薄餅，仙人掌嘅綠色，上枱時配埋一個墨西哥酸漿果醬，醬汁酸酸地，原來仙人掌扒仲酸，好奇地問問店員，才知道仙人掌本身是沒什麼味道的，味道的來源是調味料，因為是用醋醃製過，所以味道帶酸，除了新體驗之外，又長知識了👍🌮墨西哥菜必點嘅傳統食物 Taco，每件$42，分別點了手撕豬肉和三文魚＆牛油果兩款口味，有少少孜然粉味道，餅皮咬落脆脆地，好有墨西哥風味。這裡的咖啡水準不錯，點了Tiramisu latte $42和Orange coffee $44。第一次飲Tiramisu latte，感覺唔錯，啡味幾濃，拉花又靚🥰甜品：紐約芝士蛋糕$68，我的必點甜品之一，口感幾綿密。朱古力布朗尼$68，配朱古力雪糕，有驚喜，特別是咬到蛋糕裏面果仁的時候😋餐廳感覺好舒服，播放著音樂，令人有放鬆嘅感覺，裝修設計甚至食物都帶有仙人掌元素，又靚又有特色。