夏娃 (已結業)

Intro: 北角喺渣華道附近真係多野食，呢一日假日嘅下晝就去左呢到搵食，就試左呢到嘅西餐，大部分都係$100內，仲有凍飲同沙律，呢次就試左佢地嘅烤春雞同牛頸脊飯～___________________🍽 醬燒德國烤春雞配黑松露野菌意大利飯💰 78（須加一）⭐️ 8.5/10🍽 日式鹽燒牛頸脊配黑松露野菌意大利飯💰 98（須加一）⭐️ 7.5/10✍🏻 大約有半隻烤春雞，燒得幾靚又有少少燒焦嘅皮，再加埋甜甜嘅醬幾高質；✍🏻 腳部份嘅肉質比較滑溜，而雞胸就較鞋口；✍🏻 至於牛頸脊就有部分夠冧但有部分會硬，勝在份量多。✍🏻 一定要將飯撈得均衡，咁樣每啖都可以食到平均黑松露嘅味道；✍🏻 黑松露飯唔會冧同唔會硬，時間岩岩好，黑松露味唔會過鹹岩岩好；✍🏻 有菇類又有車厘茄，配料正常；🍽 沙律及飲品（玫瑰普洱茶、熱情果汁）💰 免費加配 ⭐️ 7.5/10✍🏻 沙律菜正常，仲有落到黑醋汁；✍🏻 玫瑰普洱茶嘅茶包好靚，偏香唔會帶甜，仲可以加左幾次水都唔會淡；✍🏻 熱情果汁偏酸，但飲落幾開胃。___________________🏠 夏娃 Eve bistro📍 北角和富道118號康華大廈地下C1號舖⭐️ 8/