小城鎮 (已結業)

係北角新都城附近做完嘢，就搵下附近有咩食，本來記得巷入面有譚仔，但係一望見到間西餐，費事一陣落雨狼狽就入左去食。餐廳入面係北歐風裝修，有磚牆、懷舊車牌路牌、書架。Lunchset係焗飯或者意粉，跟一個湯同飲品。今日嘅湯應該係粟米蓉湯，口感唔滑，有粟米blend成嘅渣，有少少火腿條，不過整體感覺唔太好，我亦都冇飲晒個湯。主食我叫左橄欖油蒜蓉蝦扁意粉，賣相可以，意粉唔太油，質感可以，有蒜片同洋蔥調味。蝦就...可以啦，冰蝦冇味但係爽，整體還可以，不過唔夠鹹，加返鹽調返味會好d。至於飲品...我叫左凍奶茶，見到色澤都知道不妙，佢地嘅奶茶係類近台灣奶茶，香味較重，冇咩奶茶味，味道亦都較淡，所以我飲左幾淡就冇飲嚕，建議叫返咖啡或者檸茶類。