牛牛日式火鍋放題 (北角匯二期)

營業中

休息中

今日同朋友去咗北角匯二期嘅「牛牛日式火鍋放題」食晚市放題，香港人無論春夏秋冬都好鍾意打邊爐，今次揀呢一間係日式火鍋放題，有四個唔同級別嘅食材可以選擇，唔同時段又有唔同價錢，大家可以依照自己嘅喜好選擇。呢度嘅火鍋係一人一鍋，有八種唔同口味嘅人氣火鍋湯底。我哋揀咗lv.3.澳洲和牛牛肉90分鐘放題，湯底就揀咗泰酸辣蝦鍋同關東壽喜燒鍋。泰酸辣蝦鍋就好似冬陰功湯，入面有香茅、香草、蝦仁同蕃茄仔等材料，食落充滿酸辣味；關東壽喜燒湯底亦都甜甜地，湯底滾到咁上下都可以加入鯛魚湯好似湯底嘅鮮味。Lv3呢個餐有大概85款食材可以選擇，肉類方便比較推介M6澳洲和牛、巴西極上牛舌、丹麥封門牛柳同西班牙伊比利亞豚肉，呢幾款肉類食落都充滿肉味，而且機切得幾薄身，好快就煮得熟；而海鮮類就推介海扇貝、紐西蘭青口同蟹籽墨魚滑，自助區仲有多款蔬菜、飲品、甜品、熟食同麵類可供選擇。餐廳採用QR code下單，上菜嘅速度亦都好快，90分鐘食時間啱啱好，如果唔想咁趕仲可以加錢升級做無限限時任食。另外，而家餐廳最新推出咗自家茶飲同滋味葡撻嘅優惠，加$15就可以飲到黑糖珍珠鮮奶或純茶妍奶蓋，加$10就食到蛋味濃郁嘅葡撻，為大家帶