影片
更多
2021-09-20
183 瀏覽
今日嚟北角港運城試新嘢，試吓呢間主打自助式清酒放題嘅餐廳🍶 其實本來諗住遲吓先再過嚟試，但聽到門口職員話依家新店開張有限定優惠$188就可以90分鐘內任飲9款sake，聽完真係好心動💗 所以即刻就同朋友嚟食啦！🤣餐廳都幾大幾闊落，店內有個開放式廚房，坐bar枱人士可以近距離望師傅烹調食物，仲會見到佢哋不停燒串燒㗎🙊 店內當然唔少得清酒售賣機啦～ 清酒售賣機隔離仲會有職員協助，職員首先叫我哋掃QR code，做咗啲簡單嘅登記，就可以購買品酒券🎟 每次去斟酒職員都會遞上新嘅清酒杯俾你揀，再同你講解吓啲酒，令揀酒過程完全無難度🙆🏻♀️餐廳提供咗三種類別嘅sake俾客人飲，分別係薰酒、爽酒同醇酒。餐枱上有個「清酒五步曲」嘅餐牌，同埋有教大家每樣菜式應該要配邊種清酒💁🏻♀️ 薫酒就適合配搭清淡嘅食物；爽酒就係襯一啲較油膩嘅食物；醇酒就啱配拉麵。❤️ 火焰雞 $68前菜叫咗呢道火焰雞，點呢個係因為好奇點解會叫火焰雞🤣 原來係因為味道係辣嘅，作為前菜都幾衝擊🔥 佢哋用慢煮去烹調啲雞肉，令肉質柔嫩多汁！配埋佢自製麻辣汁，食完口水不停分泌，後勁好強🌶 雖然未至於辣到噴火，但佢嘅辣度係會令你忍唔住口繼續食，
其實本來諗住遲吓先再過嚟試，但聽到門口職員話依家新店開張有限定優惠$188就可以90分鐘內任飲9款sake，聽完真係好心動💗 所以即刻就同朋友嚟食啦！🤣
餐廳都幾大幾闊落，店內有個開放式廚房，坐bar枱人士可以近距離望師傅烹調食物，仲會見到佢哋不停燒串燒㗎🙊
店內當然唔少得清酒售賣機啦～ 清酒售賣機隔離仲會有職員協助，職員首先叫我哋掃QR code，做咗啲簡單嘅登記，就可以購買品酒券🎟
每次去斟酒職員都會遞上新嘅清酒杯俾你揀，再同你講解吓啲酒，令揀酒過程完全無難度🙆🏻♀️
餐廳提供咗三種類別嘅sake俾客人飲，分別係薰酒、爽酒同醇酒。餐枱上有個「清酒五步曲」嘅餐牌，同埋有教大家每樣菜式應該要配邊種清酒💁🏻♀️ 薫酒就適合配搭清淡嘅食物；爽酒就係襯一啲較油膩嘅食物；醇酒就啱配拉麵。
❤️ 火焰雞 $68
前菜叫咗呢道火焰雞，點呢個係因為好奇點解會叫火焰雞🤣 原來係因為味道係辣嘅，作為前菜都幾衝擊🔥 佢哋用慢煮去烹調啲雞肉，令肉質柔嫩多汁！配埋佢自製麻辣汁，食完口水不停分泌，後勁好強🌶 雖然未至於辣到噴火，但佢嘅辣度係會令你忍唔住口繼續食，好香口又辣得過癮！❤️ 雞之拼盤 $98
飲sake點可以唔叫串燒㗎～佐酒一流😈 雞之拼盤有雞胸軟骨、雞腎&雞肉京蔥！佢哋嘅串燒都係即叫即燒，而且擺盤都唔馬虎👀 串燒佢哋有搽咗秘製醬汁，食落去都幾濃味😙 串燒就係適宜配搭爽酒，可以中和油膩感，我哋揀咗「六十餘州 山田錦 純米」同「越乃 雪樁花」。「六十餘州 山田錦 純米」有穀物香，而「越乃 雪樁花」就散發出花香味🌸
❤️ 海老·膽 $58 & 火焰牛 $48
一口壽司飯有5款，我哋決定叫咗呢兩款。呢個一口壽司對於我呢啲口細嘅人嚟講都要兩三啖先食得哂😂
海老·膽用上新鮮海蝦做天婦羅，外層薄薄嘅炸漿唔會太過油膩🍤
牛肉經過炙燒後逼出油脂，肉味濃之餘表面有焦香，同時肉質好軟嫩呀🐂職員建議選擇薰酒去配一口壽司飯，所以我哋揀咗兩款純米大吟釀去配，分別係「嘉美心 純米大吟釀 備中流」同「北鹿 北秋田 純米大吟釀」，薰酒嘅水果香較重，味道較清淡。
❤️ 豚肉醬油魚介拌麵 $92
拉麵同沾麵就食得多，日式拌麵真係未食過🤔 點知一試竟然係今餐嘅MVP👑 齋睇個樣都知佢幾足料，有櫻花蝦、荀絲、木魚粉、紫洋蔥同慢煮叉燒等。篤爆蛋黃嗰吓真係好療癒🙈 魚介醬油拌麵鮮味十足，加咗脆脆嘅櫻花蝦令口感更加豐富😏 每一啖都食到唔同食材嘅味道。我哋就揀兩款醇酒去配個拌麵：「金紋世界鷹 純米吟釀」同「酔心 特別本醸造 橅のしずく」兩款都有米香旨味，而且有辛口感。
❤️ 一口燒牛丼 $95
一口牛口感紥實，油脂感較少，比火焰牛更重牛味🐮 配菜有温泉蛋、洋蔥、紅蔥頭同青椒，飯量都幾多，對男士嚟講一定夠食🤭❤️ 蘋果焙茶 $38 & 荔枝洋甘菊果茶 $36
我哋兩個各自都叫咗一杯嘢飲。蘋果焙茶幾清新；荔枝洋甘菊果茶甜度較高👀餐廳推薦度：⭐️⭐️⭐️⭐️ (4/5)
第一次試自助清酒放題，令我更加了解清酒😎 呢度職員都好樂意幫忙同用心介紹清酒👏🏻 鐘意sake嘅朋友仔可以過嚟暢飲！😆
張貼
