影片
更多
2020-09-20
173 瀏覽
禮拜日就梗係訓到晏一晏先起身啦, 而訓醒第一件事就係食好嘢😆. 行過北角黄街, 見到開咗間新嘢, 為食嘅我當然要試試佢.一入餐廳俾我個感覺好乾淨, 又夠光猛, 不愧係新餐廳, 而員工都有着制服(仲要全部女仔😍).睇完餐牌都見到有幾多嘢食, 除咗主打嘅串燒, 仲有拉麵, 魚生飯, 飯tastic等等. 而肚餓嘅我一黎就嗌咗個温泉玉子鰻魚爆丼頂一頂肚先🤣.個set有跟沙律, 蘿蔔牛腩(個人認為唔係幾match😂), 麵豉湯, 仲有一杯嘢. 前菜都係正路嘢, 中規中矩啦.主角黎喇, 爆丼真係名不虛傳, 滿滿嘅蒲燒饅魚鋪喺碗日本飯上面, 加上一篤即爆嘅流心蛋, 齋睇已經流曬口水🤤. 啲鰻魚嘅油脂好夠, 層皮俾佢燒到少少焦脆, 加上好好味嘅鰻魚汁, 口感大滿足之餘 , 份量亦都十足, 差啲搞到食唔落其他嘢🤣.黎到串燒店, 點可以唔試吓佢啲串燒. 佢啲串燒種類好多, 海鮮蔬菜肉類咩都齊, 睇到有啲眼花撩亂🤣.首先係我食串燒必嗌嘅原條燒茄子🍆. 呢個茄子真係癲, 有我前臂咁長, 竟然都係賣28蚊🤯. 蒜蓉燒真係絕配, 同埋佢唔似出面有啲餐廳咁, 燒到層皮燶曬唔食得. 不過略嫌多油得濟, 少啲油就p
行過北角黄街, 見到開咗間新嘢, 為食嘅我當然要試試佢.
一入餐廳俾我個感覺好乾淨, 又夠光猛, 不愧係新餐廳, 而員工都有着制服(仲要全部女仔😍).
睇完餐牌都見到有幾多嘢食, 除咗主打嘅串燒, 仲有拉麵, 魚生飯, 飯tastic等等. 而肚餓嘅我一黎就嗌咗個温泉玉子鰻魚爆丼頂一頂肚先🤣.
個set有跟沙律, 蘿蔔牛腩(個人認為唔係幾match😂), 麵豉湯, 仲有一杯嘢. 前菜都係正路嘢, 中規中矩啦.
主角黎喇, 爆丼真係名不虛傳, 滿滿嘅蒲燒饅魚鋪喺碗日本飯上面, 加上一篤即爆嘅流心蛋, 齋睇已經流曬口水🤤. 啲鰻魚嘅油脂好夠, 層皮俾佢燒到少少焦脆, 加上好好味嘅鰻魚汁, 口感大滿足之餘 , 份量亦都十足, 差啲搞到食唔落其他嘢🤣.
溫泉玉子鰻魚爆丼定食
$88
11 瀏覽
0 讚好
0 留言
黎到串燒店, 點可以唔試吓佢啲串燒. 佢啲串燒種類好多, 海鮮蔬菜肉類咩都齊, 睇到有啲眼花撩亂🤣.
首先係我食串燒必嗌嘅原條燒茄子🍆. 呢個茄子真係癲, 有我前臂咁長, 竟然都係賣28蚊🤯. 蒜蓉燒真係絕配, 同埋佢唔似出面有啲餐廳咁, 燒到層皮燶曬唔食得. 不過略嫌多油得濟, 少啲油就perfect.
蒜蓉燒茄子
$28
12 瀏覽
0 讚好
0 留言
跟住係芝士焗蠔, 燒到淨係見到芝士唔見蠔, 真係好邪惡😈. 本來expect有拉絲嘅我, 今次有少少失望, 不過好彩味道搭夠, 整體都不過不失.
芝士燒蠔
$18
12 瀏覽
0 讚好
0 留言
最後仲叫咗啲肉類串燒. 本身諗住試吓和牛串, 點知已經賣曬(早知早啲起身🤦🏻♂️). 後尾嗌咗魷魚鬚串, 汁燒黑豚荔枝卷同牛舌串, 水準都係中規中矩.
各種串燒
$28
9 瀏覽
0 讚好
0 留言
食完埋單兩個人$261, 試業期間無加一. 食咁多嘢一個人百零蚊我就覺得真係好扺食, 尤其係條茄子🤤, 真係念念不忘, 得閒再黎試吓其他嘢.
和牛串燒, 等我呀!!
張貼
