POKE GREEN

營業中

休息中

今日去咗北角附近，行經渣華道見到一間叫「POKEGREEN」嘅餐廳新開張，入面有主打健康、高纖同高蛋白質嘅夏威夷波奇蓋飯，仲有多款熱門嘅日式蓋飯，例如牛舌丼、照燒雞扒丼、吉列豬扒丼等等。呢間餐廳混合咗日式同夏威夷嘅菜式，全部都即叫即整，而等候嘅時間亦都唔算太耐，另外所有蓋飯都可以加$20就有三文魚豆腐海帶味噌湯、是日前菜同飲品，真係幾抵食！🍊至尊波奇 SUPREME呢款喺餐廳嘅招牌波奇飯，材料主要有三文魚、吞拿魚、車厘茄、青瓜、牛油果、玉子絲、蟹籽；調味用咗山葵蛋黃醬、紫菜絲、木魚絲同黑白芝麻，配咗壽司飯底，材料新鮮，配搭營養均衡，整體成個蓋飯嘅口感豐富，車厘茄同青瓜咬落去爽口，三文魚同吞拿魚粒粒口感肥美🍊韓風辣碗 KOREAN SPICE呢款係帶有少辣口味嘅波奇飯，材料主要有辣味三文魚、虎蝦仁、泡菜、蟹柳同紫洋蔥；調味用咗辛口蛋黄醬、紫菜絲、黑白芝麻同辣椒碎，配咗個熱湯烏冬，烏冬幼身同口感煙靭，木魚湯底清甜，虎蝦仁爽口彈牙，生嘅紫洋蔥辛辣得嚟又帶點甜味，不過呢份配料嘅醬汁比較多，所以配壽司飯會好過湯烏冬📍北角渣華道188-194號僑華大廈地下A號舖位置就腳：🍊🍊🍊🍊餐廳環境：🍊🍊🍊🍊