Soul9+ (已結業)

北角呢頭我真係好少黎，假期前夕，屋企人話想搭下叮叮，由堅尼地城搭到去新光戲院，行下行下，又要揾食lu,我地誤打誤撞，發現原來行入少少，呢條街係有好多食肆嫁而我就俾soul9個名吸引左而入去食，地方細細卻很舒適，仲有露天位，相信天氣涼嘅話喺度坐下傾吓計同埋飲下野會好開心鋪頭入面裝修好得意，好多古靈精怪嘅擺設， 十分用心我哋其實唔算太肚餓，所以只係叫咗個risotto同埋小食拼盤share呢個意大利飯，相當有驚喜，淨係賣相，都已經很不錯，松露香，海膽鮮，鮑魚爽，意大利飯軟硬度適中，忌廉香而不肥膩，正啊而小食拼盤，我真係估唔到咁大份，入面有齊雞翼、芝士條、薯條、洋蔥圈、餃子等等，要讚嘅係佢提供左3款醬汁俾我地，分別係茄汁、松露忌廉醬，同埋一個應該係類似乳酪嘅醬，我個人就十分分欣賞松露醬。不過呢個拼盤份量真係唔野少，我建議四個人以上先好叫，如果唔係真係食唔晒今餐我同屋企人都食得幾滿意，舒舒服服，簡簡單單傾吓計食下野，已經好滿足，有時做人就係咁簡單咋嘛