影片
更多
2023-01-20
60 瀏覽
無意中發現咗呢間小店就試一試😆店舖主打招牌手工意粉，為提昇意大利麵的口感和吞味，麵糊採用了來自意大利庫爾塔羅洛的麵粉及鹿兒島的雞蛋，每天新鮮店內製造。🍴沙律 午市套餐送 (7.5/10)個沙律一啲都唔hea，有煙三文魚蕃茄仔，沙律菜都好新鮮！🍴 炸薯條 配蕃茄醬及黑松露醬 $68 另收加一 (7/10) 薯條份量都幾多，炸得香脆，新鮮薯仔做嘅，有薯仔嘅味道，黑松露醬幾香濃，略嫌黑松露醬少咗啲，但幾好食。🍴 蕃茄莎莎芝士醬粟米片 $68 另收加一 (7/10) 番茄、聚洋蔥、酸瓜粒、芝士，呢個就正常，有啲蕃茄醬汁，酸酸地，幾開胃嘅，不過粟米片係包裝嗰啲冇咩特別，唔會太鹹OK嘅！🍴 慢煮牛肋骨肉醬寬帶麵 $168 另收加一 (9/10)紅酒、洋蔥、羅馬蕃茄、巴馬豆芝士，呢個要等比較耐，大概半個鐘，牛肋骨肉煮到好腍，一絲絲，一啲都唔會黐牙，寬大面非常闊好掛汁，好有口感，咬落去好輕盈，好易斷開，輕微彈牙，都有麵粉嘅香味，香濃嘅肉汁味道，上面有個炸香左嘅芝士好好食！🍴 藍紋卡邦尼细扁麵 $168 另收加一 (10/10)藍紋芝士、巴馬臣芝士、風乾豬面肉、意式煙肉、雞蛋黄，细扁麵口感更加輕盈，比平
🍴沙律 午市套餐送 (7.5/10)
個沙律一啲都唔hea，有煙三文魚蕃茄仔，沙律菜都好新鮮！
🍴 炸薯條 配蕃茄醬及黑松露醬 $68 另收加一 (7/10)
薯條份量都幾多，炸得香脆，新鮮薯仔做嘅，有薯仔嘅味道，黑松露醬幾香濃，略嫌黑松露醬少咗啲，但幾好食。
🍴 蕃茄莎莎芝士醬粟米片 $68 另收加一 (7/10)
番茄、聚洋蔥、酸瓜粒、芝士，呢個就正常，有啲蕃茄醬汁，酸酸地，幾開胃嘅，不過粟米片係包裝嗰啲冇咩特別，唔會太鹹OK嘅！
🍴 慢煮牛肋骨肉醬寬帶麵 $168 另收加一 (9/10)
紅酒、洋蔥、羅馬蕃茄、巴馬豆芝士，呢個要等比較耐，大概半個鐘，牛肋骨肉煮到好腍，一絲絲，一啲都唔會黐牙，寬大面非常闊好掛汁，好有口感，咬落去好輕盈，好易斷開，輕微彈牙，都有麵粉嘅香味，香濃嘅肉汁味道，上面有個炸香左嘅芝士好好食！
🍴 藍紋卡邦尼细扁麵 $168 另收加一 (10/10)
藍紋芝士、巴馬臣芝士、風乾豬面肉、意式煙肉、雞蛋黄，细扁麵口感更加輕盈，比平時嘅意粉更有口感，有彈性得來好易斷開！你都係真係好接近意大利正宗嘅卡邦尼，淨係用咗芝士同埋雞蛋黃係好香濃蛋香，又有芝士嘅濃郁，藍芝士一啲都唔會好臭，特別係意式煙肉同埋風乾嘅書面肉，真係好好食！
🍴 黑虎蝦细扁麵 $168 另收加一 (10/10)
自制蝦膏油、法式濃汁、蘆荀，好欣賞佢有自製嘅蝦膏醬汁，食到好香濃嘅蝦味，完全係食蝦嘅鮮味，蝦肉都非常爽口！
🍴 牛肝菌雜菌寬帶麵 $118 另收加一 (9/10)
杏包菇、白菌、啡菌、洋蔥、百里香、牛肝菌忌廉汁，味道係好香濃牛肝菌，入邊有好多唔同嘅菇，好豐富好有口感，鍾意食菇嘅人一定好鍾意！
☕️ Latte $40 另收加一 (7/10)
有個好得意拉花，但唔知係咩嚟？好似隻狗仔？不過咖啡嘅味道就唔係我鍾意嘅，佢係比較偏酸，咖啡味道幾濃郁，口感都幾滑，比起佢嘅意粉咖啡真係比較普通啲！Cupertino係非常之細杯嘅，建議叫latte好啲！
推薦指數: 9/10
超級推薦佢哋嘅手工意粉，環境好舒適，下次會想食埋佢嘅甜品！
張貼
