小城鎮 (已結業)

✨ 每日餐湯有酥皮湯非常有誠意！入邊係蕃茄羅宋湯，仲有啲牛肉粒！羅宋湯調味非常適中，唔會好似其他餐廳咁落得太多胡椒粉蓋過咗啲蕃茄味！✨ 蟹棒粟米蛋粒沙律配自家製沙律醬60幾蚊就有咁大盆，真係好抵食！蛋沙律除咗有蟹棒粟米，仲有切粒菠蘿，酸酸地嘅配搭，感覺好清新！✨香煎比目魚扒 配荷蘭沙沙醬比目魚扒魚皮好香脆！而且上碟之前已經處理過啲魚油，所以感覺一啲都唔油膩！而且魚嘅肉質結實新鮮，一啲都冇腥味！薯蓉配上酸酸地嘅荷蘭沙沙醬感覺越食越想食！✨招牌豬肋骨配薯條分量大到三個人都差啲食唔晒！果然係佢哋嘅招牌菜式，肉質好軟林林而且多汁！而且焗得啱啱好唔會過熟✨ 芒果爆珠梳打夠晒酸，芒果味一啲都唔假✨ 鮮奶抹茶奶味非常濃郁，而且好滑❤️‍🔥