影片
更多
2020-08-13
2956 瀏覽
❀ Artistry Brewing Company #北角 ❀❗️北角鬧市內的小綠洲 蛋糕有驚喜❗️——————————————————呢間鬧市中嘅小綠洲cafe同北角地鐵站只係幾分鐘路程😍環境清靜，有個種滿花草嘅小庭園，cafe內用上循環再造嘅實木家具，感覺置身於外國啲叢林咁☺️聽講長期好full，不過當日我同11點去餐廳都仲有幾多位😶但建議大家穩陣啲都係打電話預約咗先！.除咗全日供應嘅甜品蛋糕之外，最近佢哋仲提供埋早餐(0800-1130)，有多種吐司、沙律選擇。下午同晚上(12:00後)就售賣啲多國菜，包括意粉、牛扒、青口、印度咖喱飯等等，種類繁多，只係大約$100左右。.✷𝑀𝑒𝓃𝓊✷☞ Garden fruit bowl muesli $78包括乾果、香蕉、士多啤梨、藍莓、同埋少許蜜糖乳酪，另外可以隨自己喜愛加上牛奶。雖然唔算好特別，但又幾鍾意成個味道配搭👍🏻。甜度主要來自於蜜糖同乾果，幾健康。加上穀物有少少脆口，都幾好食，不過差唔多價錢午市都可以食到個pasta/ risotto😶感覺上午市抵食啲。味道: 4/5 性價比: 3.5/5.☞ 經典甘筍蛋糕$56好鍾意呢一個甘筍蛋糕！
❗️北角鬧市內的小綠洲 蛋糕有驚喜❗️
——————————————————
呢間鬧市中嘅小綠洲cafe同北角地鐵站只係幾分鐘路程😍環境清靜，有個種滿花草嘅小庭園，cafe內用上循環再造嘅實木家具，感覺置身於外國啲叢林咁☺️聽講長期好full，不過當日我同11點去餐廳都仲有幾多位😶但建議大家穩陣啲都係打電話預約咗先！
.
除咗全日供應嘅甜品蛋糕之外，最近佢哋仲提供埋早餐(0800-1130)，有多種吐司、沙律選擇。下午同晚上(12:00後)就售賣啲多國菜，包括意粉、牛扒、青口、印度咖喱飯等等，種類繁多，只係大約$100左右。
.
✷𝑀𝑒𝓃𝓊✷
☞ Garden fruit bowl muesli $78
包括乾果、香蕉、士多啤梨、藍莓、同埋少許蜜糖乳酪，另外可以隨自己喜愛加上牛奶。
雖然唔算好特別，但又幾鍾意成個味道配搭👍🏻。
甜度主要來自於蜜糖同乾果，幾健康。
加上穀物有少少脆口，都幾好食，不過差唔多價錢午市都可以食到個pasta/ risotto😶感覺上午市抵食啲。
味道: 4/5 性價比: 3.5/5
.
☞ 經典甘筍蛋糕$56
好鍾意呢一個甘筍蛋糕！
睇到蛋糕中含有甘筍絲，而且富有強烈而恰到好處嘅肉桂香氣🥰。
面頭再有大量香脆可口嘅合桃，加上甜甜地嘅cream cheese frosting，成個味道幾唔錯！
亦欣賞佢個蛋糕唔會過於乾/鬆散，鍾意佢哋係兩層蛋糕之中嘅frosting，hold實咗成個蛋糕，令口感更濕潤😋。
味道: 4.3/5 性價比: 4.1/5
.
☞ 提拉米蘇千層蛋糕$65
係我見過最薄嘅千層蛋糕，一共有成38層😍！但又唔會去到零存在感剩係得忌廉咁膩。
食到咖啡同埋mascarpone cheese嘅香氣，亦夠細滑。
美中不足係酒味唔夠重，如果可以再濃啲就Perfect🙈！
味道: 4.2/5 性價比: 4.1/5
.
☞ fruit tea crush +$18 (原價$39)
加錢嘅跟餐嘢飲就唔算好特別，都係普通水果茶再加少少糖漿咁。
味道: 3/5 性價比: 3.5/5
.
整體來講呢度嘅蛋糕真係值得一試😆而且成個環境非常舒適，當日仲見到店員好用心咁打理植物👍🏻裏面空間都幾大，坐得舒服，可以喺入面悠閒地同朋友傾吓計或者做吓嘢都得。不過建議午市時間嚟，可以試到Cafe較罕見嘅多國菜，感覺上亦抵食啲。
85 瀏覽
0 讚好
0 留言
143 瀏覽
0 讚好
0 留言
經典甘筍蛋糕
$56
68 瀏覽
1 讚好
0 留言
提拉米蘇千層蛋糕
$65
83 瀏覽
0 讚好
0 留言
Garden fruit bowl museli
$78
59 瀏覽
0 讚好
0 留言
Fruit tea crush
$18
59 瀏覽
0 讚好
0 留言
張貼
