逸龍軒

營業中

休息中

早排網上見到北角海逸酒店中菜廳「逸龍軒」出咗個好特別的中式點心tea set, 點心造型好卡通都好適合一家大細食，今日我先帶囡囡到炮台山東岸公園放吓電先～到中午搭港鐵過條馬路好快就去到逸龍軒，嘩！交通好方便喎～入座後等左10分鐘左右tea set出場，當然相機食先啦！同囡囡影番夠本先！食物分三層第一層有天鵝造型的芋角、小鳥的鳳梨酥。第二層我囡囡比較喜歡因為有兩粒好鮮味的松露煎帶子，蜜梨鹹水角都好鬆脆。要讚下個叉燒既汁好香、肉質又嫩滑。第三層最搶眼就一定係隻懶瞓豬奶凍，可能太可愛啦！囡囡反而唔捨得食咗佢落肚，但我就喜歡食懷舊西米布丁，因為裏面有蓮蓉好香好好味。最後嘆吓花茶傾吓計天倫樂好滿足，價錢都幾實惠。