聚寶堂

營業中

休息中

今日去藍田買野，見肚餓就去搵野食，橫掂好耐都無去過匯景商場，就入去試下搵下有無野食啦。一上完電梯，就見到有間叫聚寶堂的餐廳，佢寫住台食‧喇沙專門店，又見到唔少區內街坊幫襯，應該都靠得住既。入到去，我就叫左個一杯椰香珍珠奶茶、豬頸肉肉燥撈米線、蠔油菜心、台式小食拼盤、腐竹薏米雞蛋糖水來食啦。先講個豬頸肉肉燥撈米線，大碗幾抵食，味道又夠，唔算太淡。至於個蠔油菜心都有水準，清清地幾好。台式小食拼盤，夠熱辣辣、脆口。個腐竹薏米雞蛋糖水清清地，岩哂食完濃味野調和一下。最後杯特飲，更加一試難忘。