新坤盛食堂

營業中

休息中

星期六又要返工，咁就梗係要食返個醒神早餐先，黃竹坑選擇真係唔多，連一間連鎖食肆都冇，茶餐廳又低質素，比較高質少少又好貴。今次就去試另一間茶記，睇到餐牌其實覺得幾吸引，於是就嗌咗份最貴嘅早餐，雞扒雙太陽蛋多士加叉燒通，飲品就揀茶走，盛惠46蚊。雞扒賣相唔多吸引，不過食落都有醃味，太陽蛋合格，多士唔夠熱唔夠脆。至於個叉燒通，完全唔掂，叉燒冇味，食落好似食擦膠咁，通粉湯底淡而無味。好彩杯茶走都幾好飲，茶味夠濃！整體嚟講，46蚊真係貴，如果有大快活大家樂，我一定唔會再食黃竹坑區嘅茶記，真係太失望。喺黃竹坑返工嘅朋友，都係帶飯好過啦。