茶語

營業中

休息中

同屋企人經過昌運中心， 見到有間台式餐廳， 印像中呢間台式餐廳大概開咗幾個月， 經過門口見到餐牌有梳乎厘食所以入咗去試.餐廳環境整齊乾淨， 餐廳有提供自助斟水機同埋有紙巾供應， 好細心。我哋叫咗個芝士蛋餅， 好足料， 足料到可以做到拉絲， 應該係用咗mozzarella cheese。叫咗個肥牛米線， d面煮得唔太淋， 雖然係用肥牛不過食落去唔算好肥膩炸豬扒滷肉飯首先個滷肉飯會跟一個醃芽菜， 有少少辣同埋麻油味。 個炸豬扒個面層好鬆脆， 啲肉都唔會好老， 唔會有鬆肉粉味。 跟住個滷肉飯， 首先我自己覺得食鹵肉飯嗰時最緊要夠多醬， 最怕撈曬啲醬得返白飯， 呢度啲份量都好多 ，同埋個味都教得好好。餐飲跟咗杯黑糖珍珠奶茶同埋芋頭奶綠黑糖呢杯會甜少少，但係味道唔錯，夠多珍珠芋頭奶綠好足料， 因為起碼有三分一杯係芋頭蓉， 所以飲完都幾飽肚綠茶紅豆梳乎厘食落個質感鬆軟， 好有蛋味， 夾埋啲紅豆食好正。