滿地可餅店

營業中

休息中

黃埔站對出有間麵包店，店外標榜用上日本鳥越麵粉，企喺門口已經聞到香噴噴嘅麵包香氣，款式眾多，港式麵包、方包、三文治、蛋糕、糕點、撻/酥皮、曲奇、糯米糍等，價錢親民，難怪深受街坊歡迎👏作為包包控又點少得食返幾款經典港式包點，菠蘿包發到脹卜卜，外層酥脆，內裡鬆軟，叮熱再夾埋邪惡嘅牛油，正。雞尾包鹹甜度適中，椰絲帶有口感，椰香同牛油夠balance。粟米火腿包餡料多，層次豐富，大人小朋友都鍾意。牛油椰絲卷咬落幾酥，唔會好甜，椰味突出，性價比高。椰絲奶油包放上滿滿嘅cream，凍食好有雪糕feel～ 咸餐包就啱早餐食，夾埋炒蛋加條腸仔整返個all day breakfast！估唔到呢度都有麻糬波波，好大一個，煙煙韌韌，一定要買！椰撻同蛋撻都唔錯，牛油香氣濃郁，唔油膩、臨走前見香蕉蛋糕新鮮出爐，十分軟熟，食得出係香精味但唔會抗拒，都唔錯。