Second Bite Bar & Grill (已結業)

一入到餐廳，最令我地驚訝既係充滿時尚感既裝修同埋特高既樓底，望著水泥色既牆上掛著一幅又一幅畫，勾劃出餐廳既主題，未食野已經叫人拎出相機拍下照片。跟住走黎既就係禮貌周周，熱情介紹餐牌上不同食物的年輕女侍應。她嘗試了解我們的口味，推介了不少餐廳熱賣的菜式，令我們覺得很親切。先黎既係咸蛋黃雞翼，呢個送酒一流，新鮮炸起，散發住濃濃既咸蛋香，加上JUICY既雞翼，叫人食指大動，暢快！要講西餐當然唔少得BURGER，呢個軟殻蟹BURGER份量好多，軟殻蟹好大件熱辣辣，每一啖咬落去個漢堡都有餡既，唔錯。同埋最驚喜就係雙色薯條，係薯仔同埋蕃薯，都係厚切既。而最好食係蕃薯條，佢甜甜地，食落口感札實D，亦似係唔會太熱氣。其實兩個人食都差唔多了，不過店員推介呢個素食斧頭扒就試埋佢啦。聽講d豬係食素，食落口感嫩d，同埋豬味較濃郁，都好食既。同埋本身都係就咁煎，調味料同醬汁都唔多，食到佢既真味。食飽飽啦，真心推介呢間唔錯既小店。