Canadian Pizza (俊宏軒) (已結業)

好耐無食過呢間pizza,捻唔到食咩就叫個二人餐食下。 今次加左拿大人pizza、黑松露忌廉野菌意粉同3杯手搖。pizza依然好足料，自取拎返黎仲好熱，黑松露意粉好夠味，夠cream 配料都好多，係覺得意粉淋左D。跟餐忌廉湯無以前咁足料，以前飲過入面會有D肉既配料，但味道ok。最驚喜係手搖，每杯都好飲，叫左少甜或者微甜，覺得味道剛剛好。我飲火龍果奶蓋，奶蓋有微微鹹味，火龍果汁清甜,配比較濃稠既奶蓋剛剛好夾到，飲曬一杯都唔會覺得膩或者濟。其他兩杯家人飲既，都好好，推薦飲鮮果既飲品。