Canadian Pizza (俊宏軒)

營業中

休息中

以前飲過幾次芝士西瓜茶，味道都唔錯好濃西瓜味，但今日再去買完全係飲緊水，一杯都算，我買兩杯都係咁？？？感覺完全似係西瓜皮溝水。。。。。。。。。。。。。。。。。。。如果真係無哂西瓜肉可以同個客講，而唔係就咁是但加少少西瓜皮當西瓜肉咁飲。如果我之前係未飲過都會覺得無野，最多下次唔再幫襯，當中伏。但杯野我係之前飲過好多次，今日竟然收到杯完全係勁勁勁勁淡西瓜味嘅水。 真係好令人失望。。。。。。。。。。。。。

呢間大概係我最最最常幫襯嘅Pizza舖頭！每次想食Pizza就會嚟呢一間。因為佢真係超級抵食，又好食😋就算自己一個都唔緊要！佢可以散叫一件先40幾蚊，喺出邊呢Pizza嘅¼咁大🤣平時同朋友去就會share1個意粉+1個pizza，再飲埋杯台式茶飲，飽到上心口，大滿足！咁樣買單都唔使$100😤✨ 辣肉腸pizza $45 👍🏻👍🏻👍🏻辣肉腸基本上係Pizza嘅經典之作！呢一間嘅味道係水準發揮，芝士真係超多🤤多到朋友話要投訴佢食到佢肥晒😂✨ 大蝦車厘茄洋蔥忌廉白汁螺絲粉 $64 👍🏻👍🏻👍🏻佢嘅螺絲粉一啲都唔輸蝕！有時候會特登為咗食佢嘅螺絲粉去食！白汁真係冇得頂，大蝦都好大隻！另外，白汁洋蔥吞拿魚螺絲粉都好好食🤤呢個我平時都成日食，平日嘅晏晝仲要-$10！✨ 大滿貫奶茶 $28 👍🏻👍🏻👍🏻食咁多次，每次都係會叫呢一杯！超級足料，有齊珍珠、仙草、芋圓、布丁🥰好鍾意唔同口感嘅，鍾意咀嚼嘢嘅一定要叫！仲要佢先至$28咁平！不過我平時都會叫微甜，甚至走甜，如果唔係會甜到飲唔落😂

好耐無食過呢間pizza,捻唔到食咩就叫個二人餐食下。 今次加左拿大人pizza、黑松露忌廉野菌意粉同3杯手搖。pizza依然好足料，自取拎返黎仲好熱，黑松露意粉好夠味，夠cream 配料都好多，係覺得意粉淋左D。跟餐忌廉湯無以前咁足料，以前飲過入面會有D肉既配料，但味道ok。最驚喜係手搖，每杯都好飲，叫左少甜或者微甜，覺得味道剛剛好。我飲火龍果奶蓋，奶蓋有微微鹹味，火龍果汁清甜,配比較濃稠既奶蓋剛剛好夾到，飲曬一杯都唔會覺得膩或者濟。其他兩杯家人飲既，都好好，推薦飲鮮果既飲品。

屋企附近開左呢間鋪一段時間都冇幫襯過，前排經過望一望佢地啲野飲好似幾正咁，就買左杯霸氣草莓黎試吓。點知一飲😰搞唔掂，基本上冇甜味，飲得出有士多啤梨肉，想像下幾粒新鮮士多啤梨壓爛再加茶……總之真係好難飲！茶底澀到，飲完之後個口留有啲苦味，但唔係回甘果種。非常失望！唔知咁嘅味道係咪正常？唔通佢地主打健康？🫣 但睇人地飲芝士奶蓋啲評論又講到好好味，下次會試吓佢地芝士奶蓋，都係唔得嘅話，唔會再幫襯lu~ 🥹

面頭鋪上厚厚一層芝士奶蓋，夠鹹香。大啖一啜，先飲到綿密既芝士，把杯子傾側成接近水平，再飲到芒果茶，雙重滋味，但可惜芝士一舊舊，冰未打得好碎。                                                                                                                                                  Canadian Pizza (俊宏軒) 天水圍天瑞路88號俊宏軒地下L04-L06號舖

未試過呢間自己落單叫披薩，唔知有無得揀批底，覺得係畀咗薄批，厚批會好食D,呢間芝畀士好多，芝士同番茄醬都唔鹹，好軟腍腍，呢次個披薩有d燶底和燶邊，火候少D應更好味！呢間d披薩size系大pizzahut一個碼

媽媽之前都已經買過兩次外賣，本身今日諗住買俾屋企人食，就叫左2件煙三文魚pizza ，加1件煙肉漢堡pizza。當時已經打咗一張單有3份pizza。當時正值煙三文魚pizza出爐當刻，所以媽媽就想要2件新出爐的煙三文魚，但因為吧枱仲有1件煙三文魚，媽媽話可唔可以要2件新出爐既，但灰色衫店員就說：唔得！一定要一件新 同 一件舊既！ 媽媽：我都買兩件，你一齊比兩件新嘅我唔得咩？ 但灰色衫店員依舊話：唔得喎，仲有個件你要唔要？咁媽媽依舊話張單係要，但灰色衫店員仲講：咁你唔食呀！？ 咁咪唔好買囉！ 之後灰色衫店員直接就取消咗媽媽有3件既單，即係唔做我哋生意。媽媽就忍唔住話：我都買過兩次野，咁樣服務態度嘅。有另一個黑色衫店員認同我媽媽係買過兩三次嘅，同一時間，就話灰色衫店員，咁樣好冇禮貌，但灰色衫店員仲笑，覺得自己無問題。 但係黑色衫店員都係冇阻止去取消我媽媽張單。諗起我自己有次經過，想買個時，見到有其他姨姨既客人 去問呢個灰色衫店員有關餐牌上面嘅問題，但當時佢直接叫人：自己唔識睇㗎？ 我聽完已經覺得好唔開胃，去咗第二度買嘢食。本身今日媽媽放假，開心諗住買新嘢食俾我哋食，點知呢間新舖頭嘅服務態度

係Canadian Pizza 買咗杯芝士芒芒🥤，少冰少甜。頂層係濃厚絲滑既人氣奶蓋，配上鮮甜既芒果🥭。芝士🧀同芒果🥭既味非常夾。好香芒果味，有芒果渣，幾新鮮。每一啖都有微鹹奶香，甜中帶鹹既配搭，係一杯comfort drink

俊宏軒開左間Canadian Pizza分店，見門外都有幾個人買外賣，就買左一件做午餐。店員服務好，會主動問需唔需要翻熱，返到家Pizza仲暖，而且一件切左二塊，方便食。💯辣肉腸pizza 🍕42/件Pizza餅底鬆軟厚身，芝士蕃茄味10分濃郁， 好足料，每一啖都好滿足。😄一個人食一件好夠飽。店內有好多款唔同款既pizza，一定會再試。                                                                                               餐廳: Canadian Pizza 地址: 天水圍天瑞路88號俊宏軒地下L04-L06號舖