十一冰室 (已結業)

今天同朋友行完山，我返嚟灣仔差不多下午茶時間，就諗住等陣去食下午茶，上OpenRice見到呢間冰室就去試吓。去到只係2:20 ，但職員十分友善，叫我地先入去坐低夠鐘先至叫嘢食。本來我哋諗住喺出面等廢事阻住佢做生意，但係佢話唔緊要，咁我哋就入咗去坐到夠鐘就落order。其實佢午市套餐1:45後入座都有折頭，幾好。我哋叫咗一個雞翼西多士，另外叫咗個邪惡嘅炸雞髀薯角，餐飲凍檸茶，我就叫咗杯熱奶茶。嗰個炸雞髀真係好好食，啲肉好嫩滑，同埋即刻炸起好熱好好味，值得推介。杯熱奶茶亦都好滑好好味，正。啲裝修亦都好有懷舊氣息，會再回頭。