抹茶館 (已結業)

其實我一直都係抺茶館既fans!但我淨係食佢啲甜品，未食過熟食。佢唔係每樣野都好味，但我好鐘意佢既Matcha Latte,因為佢既抺茶味真係好夠濃，尤其係熱既！其實佢個甜品menu入面既野，我都試均晒咁濟，所以依家主要都係會試佢既期間限定產品 XD十一月限定既甜品係紫薯焦糖布丁。佢個焦糖布丁有驚喜，個焦糖面真係好脆，而且個布丁滑得黎又有蕃薯粉粉地既口感，幾好味喎。野飲係黑蜜忌廉牛奶抺茶。覺得黑蜜同抺茶牛奶真係好夾！ 佢面頭啲cream幾實淨，我覺得幾好味。