囍慶酒家

營業中

休息中

夜晚同屋企人係顯徑商場食飯，去左「囍慶酒家」晚上八點半左右個場都比較靜，只有寥寥數枱。今晚主要食海鮮，打頭陣嘅係炸蠔，新鮮炸起熱辣辣，仲要隻隻都超肥美！椒鹽海蝦好惹味又夠大隻，不過海蝦略嫌少左啲鮮味。鮑魚唔算好大隻，但係好鮮甜，好彈牙，蒸得岩岩好！扇貝加粉絲味道好好，唔會太咸，不過蒸得有點過火了。龍蝦伊麵正！龍蝦鮮甜又啖啖肉，不過麵底少左啲，一人都唔夠一碗⋯⋯炒蟶子夠大隻！鮮甜彈牙～無得彈！蒸龍躉超大條，肉質嫩滑鮮甜！估唔到「囍慶」啲海鮮做得咁好！