純燒鳥 (已結業)

話咁快就十七月天了，不過由於食家明天生日關係，今晚相約同事一齊食個飯﹗去到老尖的純燒鳥﹗又係山林道呢﹗不過呢間就係食燒物的﹗一行六人，一坐低食家已經點番杯燒酌先﹗薄燒牛肉，入面有好多燒蒜，肉汁濃郁惹味過癮﹗呢個燒白菌超級鮮味，一百倍磨菇味覺入口，六人一致讚好﹗燒大蔥，我最鍾意食﹗整番支玉乃光先，入口淡身不搶喉，配燒物最好﹗由於平日成九點先來，無哂人呢﹗海苔烏冬，大家話個烏冬好味喎﹗仲有燒魷魚一隻加餃子﹗味道一般﹗燒日本小青椒，唔辣的有點似真係食大青椒﹗燒牛舌，我唔食啦，食家說燒得乾身好食﹗內臟我當然唔食啦﹗燒年糕，超級煙韌香口，熱食真係一百分﹗燒免治雞串，入口竟然有軟骨，好有咬口，幾香軟特別的呢﹗呢道必叫的，燒飯團﹗外脆內軟，配埋0的明太子層次感分明，香口非常﹗怪不得人人來到都叫啦﹗雞胸軟骨，都係咁啦﹗燒雞翼，好香，燒得岩岩好，肉汁鎖得好好，又係人人愛吃叫好﹗六個人食左十幾樣野，加埋飲品埋單一人二百五左右啦﹗OK﹗好味道﹗