華園餃子館

營業中

休息中

又黎勝利道搵朋友食lunch, 今次食水餃。門口貼滿Ｄ食物既圖片，都幾多選擇。本來對蕃茄蛋拌麵幾有興趣，後來見到十三么水餃，好吸引，有14粒唔同餡既水餃。都唔記得食左咩味，茴香鮮肉水餃好香，南瓜就偏甜。重有粟米，青素，蝦米等等，每食一粒都似考緊自己既味覺咁，好有趣。水餃皮偏厚，少少硬，但個人覺得唔錯，冇咁易穿，增添份煙韌 麻醬撈麵都唔錯，上海粗麵彈牙，麻醬好香 　份量就細左少少。可以再黎，重有好多野未試。