十三少 (已結業)

食飯前有脆脆小食咬住等又黎十三少食酸菜魚la十三少酸菜魚始終係我至愛，水準次次都keep到，魚香又滑，超大盆酸菜魚上枱好吸引，建議食法係先飲一碗酸菜魚湯，然後就可以開始食la!除左魚片好滑，湯中既乾菇、䈑筍、酸菜都好好味呢！另外叫左麻婆豆腐，豆腐好嫩滑，肉碎好入味，叫得麻婆豆腐，當然要叫番兩碗白飯餸飯，食麻婆豆腐餸飯真係秒速食曬d飯，餸飯一流！小食當然唔小得叫我每次都叫既椒麻皮蛋，金黃既皮蛋中蛋黃流心又香滑，配上辣辣醬油，好惹味！食完晚餐，最後食埋個甜品，紅糖糍粑，perfect！糍粑軟糯，沾上微甜既紅糖醬，味道甜又香，完美的晚餐！