影片
更多
2019-10-22
228 瀏覽
今晚約左朋友去長沙灣食飯，想清清地，但又唔想太普通🤔 ，終於決定食粥底火鍋。呢間店嘅位置都幾易搵，東京街行到青山道（宇宙商場）轉入去一分鐘就見到。門口巴士站仲有車返屋企，方便到呢！一去到，都坐左大半人，好彩，有位坐😁。 座位與座位之間吾係好逼夾，行人通道都算闊落，吾怕撞到，待應安排左張枱比我地，都幾大張下，幾欣賞佢d櫈就算吾係卡位都係梳化櫈。坐低就要睇下食咩先，佢嘅叫法都幾得意，選一款湯底，六款海鮮，另兩款貝類海鮮則由店家發板，再選六款其他火鍋料。而我地就揀左粥底😋 每位$200 首先上枱既係卜卜蜆，肉蟹，象拔蚌仔，活魚，蝦，仲有幾款蜆類...... 侍應話要食左d海鮮先開始食其他火鍋配料，好啦，放左蟹同象拔蚌仔先，牆上仲貼左個指引話我地知唔同食材所需煮食時間。只要跟足指引，就唔怕太老或者太生啦👏 話咁快就30秒，象拔蚌仔食得啦！唔好比佢停，食之前放定其他海鮮落去先🤓 象拔蚌仔：首先佢係新鮮既，食落去好鮮甜！卜卜蜆：好快就開哂口，脹卜卜，一咬落去仲爆汁，好鮮甜。肉蟹：都幾大隻，啖啖肉，仲有小量膏。活魚：好鐘意，第一轉煮爛左都仲好好食，唔腥，唔點醬油都好夠鮮。蝦：成晚最生猛係佢啦，上枱
今晚約左朋友去長沙灣食飯，想清清地，但又唔想太普通🤔 ，終於決定食粥底火鍋。
呢間店嘅位置都幾易搵，東京街行到青山道（宇宙商場）轉入去一分鐘就見到。門口巴士站仲有車返屋企，方便到呢！
一去到，都坐左大半人，好彩，有位坐😁。 座位與座位之間吾係好逼夾，行人通道都算闊落，吾怕撞到，待應安排左張枱比我地，都幾大張下，幾欣賞佢d櫈就算吾係卡位都係梳化櫈。
坐低就要睇下食咩先，佢嘅叫法都幾得意，選一款湯底，六款海鮮，另兩款貝類海鮮則由店家發板，再選六款其他火鍋料。而我地就揀左粥底😋 每位$200
首先上枱既係卜卜蜆，肉蟹，象拔蚌仔，活魚，蝦，仲有幾款蜆類...... 侍應話要食左d海鮮先開始食其他火鍋配料，好啦，放左蟹同象拔蚌仔先，牆上仲貼左個指引話我地知唔同食材所需煮食時間。只要跟足指引，就唔怕太老或者太生啦👏 話咁快就30秒，象拔蚌仔食得啦！唔好比佢停，食之前放定其他海鮮落去先🤓
象拔蚌仔：首先佢係新鮮既，食落去好鮮甜！
卜卜蜆：好快就開哂口，脹卜卜，一咬落去仲爆汁，好鮮甜。
肉蟹：都幾大隻，啖啖肉，仲有小量膏。
活魚：好鐘意，第一轉煮爛左都仲好好食，唔腥，唔點醬油都好夠鮮。
蝦：成晚最生猛係佢啦，上枱時都仲好扎扎跳架，攪到侍應要用蓋蓋住佢。size 來講佢都算幾大隻喎，食落口，勁爽，又係啖啖肉，煮既時間啱啱好，蝦肉冇離殼。👍
清哂d海鮮，其實都開始飽🤣 但依家個湯底咁鮮，唔可以比佢停！落d蘿蔔同埋娃娃菜佢索下嗰啲湯汁先。
見個肥牛以為唔係好肥，點知又好滑喎，而且都幾新鮮
重頭戲來啦，火鍋料食到7788之後，侍應就會落啲粥底落去個海鮮湯底度，在加埋啲香料，煮滾就變成一個海鮮粥。頭先食嘅八款海鮮嘅鮮味，蔬菜嘅甜味，豬油渣嘅香味加埋一齊煮出嚟嘅粥超鮮，仲有菜脯粒，令到個粥除咗綿綿嘅口感，時不時咬咗一啖有菜脯嘅粥，仲會有爽爽地嘅感覺，好得意，今餐真係好滿足。
張貼
